Վարդաշենի վթարային հանրակացարանների բնակիչները մտան քաղաքապետարան
Երևանի ավագանին արտահերթ նիստ է հրավիրել ու որոշում կայացրել աղբահանության համար բյուջեն ավելացնել: Քաղաքապետը արտահերթ նիստին ներկա չի եղել, իսկ փոխքաղաքապետ Հրաչյա Սարգսյանը հրաժարվել է հստակ ասել, թե ինչո՞ւ չեն խզում պայմանագիրը «Սանիթեքի» հետ: «Սանիթեքն» էլ հայտարարել է, որ իրենք օգոստոսի 2-ին քաղաքապետարանին են ներկայացրել ստեղծված իրավիճակի հանգուցալուծման երկու առաջարկ` կարճաժամկետ և երկարաժամկետ, սակայն մինչ օրս ընկերության այդ առաջարկները մնացել են անպատասխան:
Բժշկական կեղծ ախտորոշումներ կաշառքի դիմաց.ԱԱԾ-ի բացահայտումը
ԱԱԾ-ն բացահայտել է առանձնապես խոշոր չափերով կաշառք ստանալու և տալու դեպքեր: Պարզվել է, որ զինկոմիսարիատներից մեկի նախկին բարձրաստիճան սպան և սպային օժանդակող անձը կաշառքի դիմաց կազմակերպել են բժշկական կեղծ ախտորոշումներ ձեռք բերելու և դրանց հիման վրա պարտադիր զինվորական ծառայությունից ազատելու կամ տարկետումներ տրամադրելու գործընթացները: Իսկ ահա ժուռնալիստների միության նախկին նախագահ Աստղիկ Գևորգյանին մեղադրանք է առաջադրվել: Օրվա բացահայտումներն ու իրավական ոլորտին առնչվող նորությունները՝ առաջարկվող տեսանյութում:
Այսօր նշվում է Շինարարի օրը
Շինարարներն այսօր նշում են իրենց մասնագիտական տոնը: Հայաստանի քաղաքաշինության կոմիտեի նախագահ Վահագն Վերմիշյանը հայ շինարարի դերն անգնահատելի է համարել հայոց պատմության մեջ: «Մեր ամբողջ քարակերտ պատմությունը շինարարության պատմություն է` սկսած նախնադարյան ժամանակաշրջանից մինչև այսօր»,-ասել է Վերմիշյանը:
Փոխվարչապետ Տիգրան Ավինյանի խոսքով էլ՝ հայ ճարտարապետների և շինարարների հեղինակած հրաշալի գլուխգործոցներն ուղենիշ են նոր սերնդի մասնագետների համար: Տիգրան Ավինյանը լրագրողների հետ զրույցում անդրադարձել է ներքաղական ուշագրավ թեմաներին:
«Ես չեմ ուզում քեզ մոռանալ».Փաշինյանի պատվին ղրղզ երգչուհին հայերեն երգ է երգել
Ավարտվել է վարչապետ Նիկոլ Փաշինյանի աշխատանքային այցը Ղրղզստան։ Մեր երկրի ղեկավարը մասնակցել է Եվրասիական միջկառավարական խորհրդի հերթական նիստին։ Առավոտյան Նիկոլ Փաշինյանին ընդունել է Ղրղզստանի նախագահ Սոորոնբայ Ժեենբեկովը, ավելի ուշ տեղի է ունեցել Հայաստանի վարչապետի հանդիպումը Ռուսասատանի իր գործընկեր Դմիտրի Մեդվեդևի հետ:«Հայ-ռուսական հարաբերություններում վերընթաց զարգացում կա»,- Փաշինյանին ասել է Մեդվեդևը: Եվրասիական միջկառավարական խորհրդի ընդլայնված կազմով նիստը նախագահող Հայաստանի վարչապետը ԵԱՏՄ երկրների իր գործընկերներին ասել է, որ Հայաստանը առանձնակի կարևորում է ԵԱՏՄ ընդհանուր ֆինանսական շուկայի ստեղծումը:
Գյումրիում դելֆինարիում է բացվել
Աննախադեպ իրադարձություն է տեղի ունեցել Գյումրիում: Վերջապես իր դռներն է բացել քաղաքի առաջին դելֆինարիումը: Անդրանիկ դիտմանն ազատ նստարան չի եղել, նշանավոր իրադարձությանը ներկա գտնվելու համար Գյումրի են ժամանել բազմաթիվ հյուրեր:
Կոնտակտներ
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv