«Կիսանախագահական կառավարման մոդելի անցնելու մտադրություններ չկան»,-լրագրողների հետ ճեպազրույցում ասել է Արդարադատության նախարարը: Ռուստամ Բադասյանը հայտնել է, որ սահմանադրական բարեփոխումների նախագիծն, ամենայն հավանականությամբ, պատրաստ կլինի մինչև 2020թ-ի ավարտը: «Մենք այնպիսի փոփոխություններ ենք նախաձեռնել, որոնք անպայման ենթադրելու են հանրաքվե»,- ասել է Բադասյանը: Լրագրողները հետաքրքրվել են, թե ի՞նչ փոփոխություններ են նախատեսվում Սահմանադրության մեջ հանրության վստահությունը ՍԴ-ի նկատմամբ վերականգնելու համար, և արդյոք իշխանությունն այդ փոփոխություններով չի՞ ցանկանում ազատվել Հրայր Թովմասյանից և անցանկալի դատավորներից: