«911» ծառայությունն այսօր ահազանգ է ստացել, որ Երևանի Աբովյան և Պուշկին փողոցների խաչմերուկում՝ երկհարկանի շինության տանիքում, հրդեհ է բռնկվել: Հրդեհի բարդության «1-ԲԻՍ» կանչով դեպքի վայր են մեկնել փրկարար ծառայության 5 մարտական հաշվարկ, սակայն դեպքի վայր հասնելուց հետո փրկարարները ևս 5 ջոկատի կարիք են ունեցել: Պարզվել է՝ հրդեհը բռնկվել է Աբովյան 10 հասցեում գտնվող «Դոլմամա» ռեստորանի տանիքում: Այրվել են տանիքի փայտյա կառուցատարրերը, հարակից շինության տանիքը: Դեպքի վայրում է եղել նաև ԱԻ նախարարը: