«Հայաստանում տնտեսական հեղափոխությունը թափ է հավաքում»,- խորհրդարանում 2020թ.-ի բյուջեի նախագիծը ներկայացնելիս հայտարարել է Նիկոլ Փաշինյանը: Վարչապետը նշել է, որ հունվարի 1-ից ավելանալու են աշխատավարձերը և երեխաների ծննդյան նպաստները: Նիկոլ Փաշինյանից հետո ձեռքի տակ ունեցած թվերն ու կանխատեսումներն են ներկայացրել Ֆինանսների նախարարն ու Կենտրոնական բանկի նախագահը: Պատգամավորների հարցադրումները բավական սուր են եղել՝ ներդրումների պակասից մինչև բյուջեի ներկայացման խախտումներ: