Ավան և Նոր Նորք վարչական շրջանների ընդհանուր իրավասության դատարանում մեկնարկել է նախկին փոխոստիկանապետ Լևոն Երանոսյանի գործով դատական նիստը: Առաջին նիստի ժամանակ Երանոսյանի պաշտպանը միջնորդել է որպես վկա դատարան հրավիրել և հարցաքննել վարչապետ Նիկոլ Փաշինյանին, նախկին փոխոստիկանապետ, այժմ Սյունիքի մարզպետ Հունան Պողոսյանին և ոստիկանապետ Վալերի Օսիպյանին: Մեղադրող դատախազը առարկել է՝ նշելով, որ միջնորդությունը ենթակա է մերժման: Դատարանը որոշել է հետաձգել միջնորդության քննարկումը և դրան անդրադառնալ դատաքննության մյուս փուլերում: Նախկին փոխոստիկանապետը մեղադրվում է 2018թ-ի ապրիլի 16-ին Բաղրամյան պողոտայում և ապրիլի 22-ին Արցախի պողոտայի սկզբնամասում զանգվածային ցույցերի ժամանակ առանց դրա իրավասությունն ունենալու հատուկ միջոցներ, մասնավորապես, «Զարյա» տեսակի լուսաձայնային նռնակ կիրառելու համար: Լևոն Երոնոսյանը հրաժարվել է պատասխանել լրագրողների հարցերին, փոխարենը նրա պաշտպանը Երանոսյանի անունից քրեական գործի վերաբերյալ հայտարարություն է բաժանել:
Նորություններ
- «Կանգնած ենք Սյունիքը հայաթափելու և կորցնելու խնդրի առաջ».համաժողով Երևանում
- Կտրուկ թանկացումներ պարենային ապրանքի շուկայում.քաղաքացիները վրդովված են
- «Բավարարված չենք».ժամկետայինների ծնողները՝ Նիկոլ Փաշինյանի հետ հանդիպման մասին
- Ըմբիշները Ծաղկաձորում դահուկային մարզում են անցկացնում
- «Հույս չունենա՛ք,որ թույլ երկրով լավ եք ապրելու». Վազգեն Մանուկյանի հանդիպումը Գյումրիում
Կոնտակտներ
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv