Տարադրամ

Արխիվ


« Օգոստոս 2017 »
Երկ Երք Չրք Հնգ Ուրբ Շբթ Կրկ
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
Հատուկ հաղորդումներ

Գագիկ Ծառուկյանն աշխատանքային այցով եղել է Լիբանանում, որտեղ հանդիպել է  Մեծի Տանն Կիլիկիո Արամ Առաջին կաթողիկոսի հետ: Գագիկ Ծառուկյանը հայտնել է, որ ցանկություն ունի սիրահայերին աջակցելու նպատակով ստեղծել հիմնադրամ, սակայն մինչև այդ եկել է հարցի վերաբերյալ Վեհափառ Հայրապետի տեսակետը լսելու: Մեծի Տանն Կիլիկիո Արամ Առաջին կաթողիկոսը ողջունել է Գագիկ Ծառուկյանի նախաձեռնությունը՝ ընդգծելով, որ աջակցությունը սիրահայերին համահայկական կարևորագույն խնդիր է:

Ուսանողների տոնը լավագույն առիթ ևս մեկ անգամ երիտասարդներին մեկ հարկի տակ համախմբելու համար: Ավելի քան 15 տարի Գագիկ Ծառուկյան բարեգործական հիմնադրամի շնորհիվ Ուսանողների միջազգային տոնը Հայաստանում նշվում է մեծ շուքով: Ավանդույթի համաձայն տոնական այս օրը մեր երկրի հազարավոր երիտասարդների հետ է անցկացնում  նաև Գագիկ Ծառուկյանը: Ուսանողների հետ ջերմ ու անմիջական հանդիպման ժամանակ  Մուլտի գրուպ կոնցեռնի հիմնադիր Գագիկ Ծառուկյանը հորդորել է երբևէ չմտածել Հայաստանից գնալու մասին և ստացած գիտելիքները ծառայեցնել ի նպաստ  հայրենիքի զարգացման: Գագիկ Ծառուկյանի հանձնարարությամբ այս տարի մի քանի անգամ ավելացվել է անվանական կրթաթոշակ ստացող ուսանողների թիվը՝ նրանց շարքերում ընդգրկելով նաև սիրիահայ ու սփյուռքից հայրենիք եկած մի քանի տասնյակ ուսանողների:  Այսպիսով,  Հանրապետության բոլոր  բուհերի  բարձր առաջադիմություն ունեցող  900  ուսանող այսօր  արժանացել են Գագիկ Ծառուկյան բարեգործական հիմնադրամի անվանական կրթաթոշակի:

Երևանի օլիմպիական հերթափոխի մարզական քոլեջի նորակառույց հրաձգարանում արդեն իսկ մարզումներ են իրականացնում մեր մարզիկները : Հիշեցնենք, որ օլիմպիական կոմիտեի 45 ամյակի կապակցությամբ Հայաստանի ազգային օլիմպիական կոմիտեի նախագահ Գագիկ Ծառուկյանը յուրահատուկ նվերների մի ամբողջ շարք էր  մատուցել մարզական քոլեջին՝ սեփական միջոցներով կառուցելով թենիսի կորտեր, տեկվանդոյի մարզադալիճ ՝ համալրված մարզասարքերով և ժամանակակից հրաձգարան:

Երևանի օլիմպիական հերթափոխի պետական մարզական քոլեջը տոնում է հիմնադրման 45 ամյակը: Ուղիղ 45 տարի այս կառույցը համարվում է հայկական սպորտի դարբնոցը: Հենց այս քոլեջի մարզիկներն են հետագայում համալրում ֆիզիկական կուլտուրայի Հայկական  պետական ինստիտուտն ու աշխարհի տարբեր մրցահարթակներում բարձր պահում Հայաստանի անունը:  Քոլեջի 45 ամյակի  կապակցությամբ Հայաստանի ազգային օլիմպիական կոմիտեի նախագահ Գագիկ Ծառուկյանը յուրահատուկ նվերների ամբողջական շարք է մատուցել մարզական քոլեջին: Նրա անձնական միջոցներով  քոլեջի քանդված ու ավիրված տարածքում  կառուցվել են թենիսի կորտեր, թեկվանդոյի մարզադալիճ ՝ համալրված վերջին սերնդի մարզասարքերով  և ժամանակակից հրաձգարան:  Նոր մարզակառույցների բացումն անձամբ  ազդարարել է Գագիկ Ծառուկյանը:  Տոնական օրվա կապակցությամբ շնորհավորելով քոլեջի ուսանողական ու մանկավարժական կազմին՝  ՀԱՕԿ նախագահը  ընդգծել է, որ օլիմպիական հերթափոխի քոլեջը  իր  առանձնահատուկ դերն ու նշանակությունն ունի հայկական սպորտի կայացման ու զարգացման գործում:

Խոստումնալից հեռանկարներ հայ-ղազախական հարաբերությունների համար. Գագիկ Ծառուկյանը հանդիպել է Հայաստանում Ղազախստանի արտակարգ և լիազոր դեսպան Թիմուր Ուրազաևի հետ: Երկարատև զրույցի ընթացքում քննարկվել են երկու երկրների տարբեր ոլորտների միջև ակտիվ գործակցություն սկսելու վերաբերյալ հարցեր: Կողմերը կարևոր են համարել հատկապես գործարար կապերի ընդլայնումն ու ամրապնդումը: Որպես համատեղ գործակցության առաջին քայլ՝ Գագիկ Ծառուկյանն  առաջարկել է հայկական շուկայում ներկայացնել ղազախական արտադրության ապրանքները՝ խոստանալով անվճար տեղեր հատկացնել դրա համար: