Տարադրամ

Արխիվ


« Հուլիս 2017 »
Երկ Երք Չրք Հնգ Ուրբ Շբթ Կրկ
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
Հատուկ հաղորդումներ

Սիրելի հայրենակիցներ,

սրտանց շնորհավորում եմ ձեզ՝ Ամանորի և Սուրբ Ծննդյան տոների առիթով։ Մաղթում եմ բոլոր ընտանիքներին հարատև խաղաղություն, բազում հաջողություններ, բարօրություն ու բարեկեցություն: Մաղթում եմ, որ Նոր տարվա գալուն զուգահեռ, յուրաքանչյուր հայ ընտանիքում բացվի հույսի, հավատի և անսահման սիրո լույսը: Թող գալիք 2013 թվականը լինի ձեր սպասումների և հույսերի իրականացման տարի։ Համոզված եմ, որ միասնական ջանքերով մենք կկարողանանք դիմակայել բազում դժվարությունների և առաջընթաց քայլեր կանենք մեր երկրի հզորացման ու զարգացման ճանապարհին։

Սիրելի հայրենակիցներ, մենք բոլորս պետք է առավել լավատեսորեն նայենք մեր վաղվա օրվան, հավատանք, որ այն առավել լուսավոր ու պայծառ է լինելու: Ես հավատում եմ, որ գալիք 2013 թվականը մեզ համար լինելու է նորանոր հաղթանակների, ձեռքբերումների և առաջընթացի տարի:

Եվս մեկ անգամ շնորհավորելով Ամանորի և Սուրբ Ծննդյան տոների կապակցությամբ՝ մաղթում եմ խաղաղություն, բարեկեցություն և բարգավաճում Հայաստանի Հանրապետությանը: Աստված պահապան մեզ բոլորիս: Շնորհավոր Ամանոր և Սուրբ Ծնունդ:

«Մրցաշրջան 2012-ը մեր մարզիկների համար մեծ ձեռքբերումների տարի էր: Տարբեր տարիքային խմբերի, Եվրոպայի և Աշխարհի առաջնություններում հայաստանցի մարզիկներն, ընդհանուր առմամբ, 150 մեդալ են նվաճել․այդ թվում՝ 29 ոսկե, 47 արծաթե և 74 բրոնզե: Տարվա ամենակարևոր մարզական ստուգատեսը Լոնդոնում տեղի ունեցած ամառային 30-րդ օլիմպիական խաղերն էին, որտեղից մեր մարզիկները հայրենիք վերադարձան 3 մեդալով․ հունահռոմեական ոճի ըմբիշ Արսեն Ջուլֆալակյանը Լոնդոնում արծաթե մեդալ նվաճեց, նրա թիմակից Արթուր Ալեքսանյանը և ծանրորդ Հռիփսիմե Խուրշուդյանն էլ պատվո պատվանդանի 3-րդ աստիճանին կանգնեցին:

Տարեսկզբին Գագիկ Ծառուկյանն այցելել էր Երևանի օլիմպիական հերթափոխի պետական մարզական քոլեջ: Այցի ընթացքում կրթօջախի աշխատակիցները Հայաստանի ազգային օլիմպիական կոմիտեի նախագահին խնդրել էին աջակցել քոլեջի ճաշարանի վերանորոգման հարցում: Խնդրանքն անարձագանք չմնաց․ ավելին Գագիկ Ծառուկյանի հովանավորությամբ հիմնորոգվեց ոչ միայն քոլեջի ճաշարանը, այլև մարզօջախի բակում սպորտ հրապարակ կառուցվեց, որտեղ իրենց ընդհանուր ֆիզիկական պատրաստվածությունն են բարելավելու քոլեջի սաները:Կատարված աշխատանքներին տեղում ծանոթանալու նպատակով՝ դեկտեմբերի 24-ին Երևանի օլիմպիական հերթափոխի պետական մարզական քոլեջ էին այցելել հայրենական սպորտի ղեկավարները՝ Հայաստանի ազգային օլիմպիական կոմիտեի նախագահ Գագիկ Ծառուկյանի գլխավորությամբ: ՀԱՕԿ նախագահը ծանոթացավ ճաշարանի և խոհանոցի պայմաններին, զրուցեց պատանի մարզիկների և մարզիչների հետ, հորդորեց ջանք ու եռանդ չխնայել և արդյունավետ աշխատել: Կարևորորելով Երևանի օլիմպիական հերթափոխի պետական մարզական քոլեջի դերը՝ մարզօջախի ղեկավարությամը հանձնարարվեց ամբողջ հանրապետությունով մեկ մանրակրկիտ ընտրություն կատարել և լավագույն տվյալներով օժտված երեխաներին ընդունել քոլեջ: Հանդիպման վերջում Գագիկ Ծառուկյանը, որպես ամանորյա նվեր, 3 մլն դրամ հատկացրեց քոլեջի աշխատակազմին:

 

Դեռ մայիս ամսին` նախընտրական քարոզարշավի ընթացքում, «Բարգավաճ Հայաստան» կուսակցության նախագահ Գագիկ Ծառուկյանի հետ հանդիպման ժամանակ նուբարաշենցիները համայնքում եկեղեցի կառուցելու հարցում աջակցություն խնդրեցին: Այսօր արդեն կուսակցության առաջնորդը բարձրաստիճան հոգևոր այրերի և տեղի բնակչության հետ մասնակցում է Նուբարաշեն համայնքում եկեղեցու հիմնարկեքի հանդիսավոր արարողությանը: Եկեղեցու 16 հիմնաքարերի օծումը կատարեց Արարատյան հայրապետական թեմի առաջնորդ Տեր Նավասարդ արքեպիսկոպոս Կճոյանը, առաջին հիմնաքարի տեղադրման պատիվն էլ վերապահվեց Գագիկ Ծառուկյանին: Տասնամյակներ շարունակ Նուբարաշեն համայնքը եկեղեցի չի ունեցել: Տեղի բնակիչները ոգևորությամբ ընդունեցին այս պարգևը՝ անկեղծ երախտագիտության խոսքեր հղելով «Բարգավաճ Հայաստան» կուսակցության նախագահին: Հիմնարկեքի հանդիսավոր արարողությունից հետո համայնքի մեծ ու փոքր բնակիչներն, արդեն տոնական սեղանների շուրջ, շնորհավորեցին միմյանց:

Երևանում ավարտվեց բռնցքամարտի աշխարհի երիտասարդական առաջնությունը: Կարեն Դեմիրճյանի անվան մարզահամերգային համալիրում համաշխարհային ստուգատեսի մեդալներն էին վիճարկում 68 երկրների շուրջ 400 բռնցքամարտիկներ:

Վճռորոշ մենամարտերին տեղում հետևեց նաև Հայաստանի ազգային օլիմպիական կոմիտեի նախագահ Գագիկ Ծառուկյանը:

Բռնցքամարտի աշխարհի երիտասարդական առաջնությունում, 4 հաղթանակ տոնելուց հետո, եզրափակիչ էր դուրս եկել 81կգ քաշային Նիկոլ Հարությունովը: Մեր բռնցքամարտիկը ոսկե մեդալի համար մենամարտում ուժերը չափեց շոտլանդացի Սքոթ Ֆորեստի հետ: Բոլոր երեք ռաունդներում էլ մրցավարները նախապատվությունը տվեցին Նիկոլ Հարությունովին: Ի վերջո, մեր բռնցքամարտիկը 13:9 հաշվով պարտության մատնեց շոտլանդացուն և աշխարհի երիտասարդական առաջնության չեմպիոն հռչակվեց:

Ոսկե մեդալից բացի մեր հավաքականը նաև մեկ բրոնզե մեդալ նվաճեց:Պատվո պատվանդանի երրորդ աստիճանին կանգնեց գերծանր քաշային Նարեկ Մելքոնյանը: Նա այս առաջնությունում զիջեց միայն ապագա չեմպիոն անգլիացի բռնցքամարտիկին: Աշխարհի առաջնության մասնակիցների անունից ԱԻԲԱ-ի նախագահ Չին Կու Վուն շնորհակալություն հայտնեց Հայաստանի բռնցքամարտի ֆեդերացիային և ՀԱՕԿ նախագահին՝ համաշխարհային այս ստուգատեսը բարձր մակարդակով կազմակերպելու համար:

Ուշագրավն այն է, որ հայկական կողմի ընդունելությունից գոհ էին նաև Ադրբեջանի պատվիրակները: Գագիկ Ծառուկյանը համոզված է՝ նմանօրինակ միջոցառումներն աշխարհին ներկայանալու լավագույն միջոցն են: Բռնցքամարտի միջազգային ֆեդերացիայի նախագահը փաստեց՝ Հայաստանը պատրաստ է անցկացնել Եվրոպայի և աշխարհի մեծահասակների առաջնությունները: