Տարադրամ

Արխիվ


« Հունիս 2017 »
Երկ Երք Չրք Հնգ Ուրբ Շբթ Կրկ
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    
Հատուկ հաղորդումներ

Բարգավաճ Հայաստան» կուսակցության ու «Գագիկ Ծառուկյան» բարեգործական հիմնադրամի շնորհիվ Սուրբ Սարգիս զորավարի տոնն այս տարի ևս առանց անակնկալների չանցավ. 50 հազարից ավելի բացիկներ ու աղաբլիթներ բոլոր նրանց համար, ովքեր հավատում են, որ Սրբի բարեխոսությամբ երազում տեսնելու են իրենց երկրորդ կեսին:

Երիտասարդներից պակաս ոգևորված չէին տարեցները: Նրանցից շատերը խոստովանեցին, որ իրենց երկրորդ կեսին առաջին անգամ հենց երազում են հանդիպել և խորհուրդ տվեցին աղաբլիթի ամենազոր հատկությանը հավատալ:

«Բարգավաճ Հայաստան» կուսակցությունն ու «Գագիկ Ծառուկյան» բարեգործական հիմնադրամը վստահեցնում են՝ ավանդական դարձած բոլոր միջոցառումները շարունակելի են լինելու:

 

Հունվարի 17-ին Ֆիզիկական կուլտուրայի հայկական պետական ինստիտուտում, բուհի խորհրդի նախագահ, Հայաստանի ազգային օլիմպիական կոմիտեի նախագահ Գագիկ Ծառուկյանի նախագահությամբ, տեղի ունեցավ խորհրդի հերթական նիստ:

Իրենց ելույթներում խորհրդի անդամները ընդգծեցին, որ մեր երկրում և տարածաշրջանում ինստիտուտի համբավը հետզհետե ավելանում է. դրանում մեծ ավանդ ունի ՀԱՕԿ-ի նախագահ Գագիկ Ծառուկյանը: Նրա հովանավորությամբ տարեց տարի ավելանում է վերանորոգված լսարանների և մարզադահլիճների թիվը: Լավագույն ուսանողներն ու դասախոսները խրախուսվեցին ՀԱՕԿ-ի նախագահի կողմից: «Լավագույն դասագիրք», «Լավագույն ձեռնարկ», «Լավագույն ամբիոն», «Լավագույն ուսանող» և «Լավագույն դասախոս» անվանակարգերում հաղթողները «Գագիկ Ծառուկյան» բարեգործական հիմնադրամի կողմից դրամական խոշոր պարգևների արժանացան: Հայրենական սպորտի ղեկավարը ընդգծեց, որ աջակցությունը շարունակական է լինելու:

Օրակարգի համաձայն՝ կատարված աշխատանքների հաշվետվությամբ հանդես եկավ բուհի ռեկտոր Վահրամ Առաքելյանը: Այսօր 2827 ուսանող ունեցող ինստիտուտն իր կարգապահությամբ առանձնանում է մյուս բուհերից: Խորհրդի անդամները նշեցին, որ դա էապես պայմանավորված է բուհի ռեկտորի աշխատելաոճով:

 

«Բարգավաճ Հայաստան» կուսակցության կանանց խորհուրդը, պատվավոր նախագահ Ռոզա Ծառուկյանի գլխավորությամբ, անցկացրեց ընդլայնված կազմով նիստ: Օրակարգային մի շարք հարցերի թվում էր նաև անցած տարիների աշխատանքային գործունեության ամփոփումն ու առաջիկա ծրագրերի քննարկումը: ԲՀԿ կանանց խորհուրդն այսուհետ իր աշխատանքը նոր ղեկավար կազմով կշարունակի: Պատվավոր նախագահ Ռոզա Ծառուկյանի հետ միասին խորհրդի աշխատանքները կհամակարգեն նրա տեղակալներ Թամարա Պողոսյանն ու Մարինա Մարգարյանը: Խորհրդի որոշմամբ նաև ձևավորվեց 5 նոր հանձնաժողով՝ գաղափարաքարոզչական, գյուղատնտեսական, սոցիալական, առողջապահական և կրթական:Կազմակերպության ուշադրության կենտրոնում անցած տարիներին առավելապես եղել են մեր երկրի թիրախային խմբերը՝ սոցիալապես անապահով ընտանիքներից մինչև արցախյան պատերազմի հերոսներ, միայնակ թոշակառուներից, տարեցներից ու հաշմանդամներից մինչև երեխաներ: Նիստի ժամանակ նշվեց, որ ԲՀԿ խմբակցությունն էլ մշակել է նաև օրենսդրական փոփոխությունների մի ամբողջ փաթեթ. ուշադրության առանցքում տարբեր ոլորտների լրջագույն խնդիրներն են՝ փոքր ու միջին բիզնեսից մինչև ավանդների փոխհատուցում և քրեակատարողական հիմնարկներ:Կուսակցության կայացման և մեր երկրի բարգավաճման գործում ունեցած նշանակալի ավանդի համար ԲՀԿ նախագահ Գագիկ Ծառուկյանի անունից շնորհակալագիր և խորհրդանշական հուշանվեր տրվեց խորհրդի առաջին նախագահ Գոհար Ենոքյանին:

ԲՀԿ նախագահ Գագիկ Ծառուկյանն, ավանդույթի համաձայն, հին Նոր տարին անցկացրեց կուսակցության երիտասարդ ակտիվիստների հետ: Ինչպես նախորդ տարիներին, այնպես էլ այս անգամ, իրենց ակտիվ գործունեությամբ աչքի ընկած մի քանի հարյուր երիտասարդ կուսակցականներ Գագիկ Ծառուկյանի կողմից պատվոգրեր և խրախուսական պարգևներ ստացան: Պարգևատրվեցին նաև դեկտեմբերի 24-ից մինչև հունվարի 10-ը ավելի քան 350 հազար երեխաներին ուղղված ամանորյա ակցիայի համակարգողները: «Մեր ապագան կրթված և հայրենասեր երիտասարդներինն է, և հենց նրանք են, որ պետք է հնարավորություն ստանան ինքնադրսևորվելու հայրենի երկրում և ամենօրյա քրտնաջան աշխատանքով ու նվիրվածությամբ հզորացնեն այն: Ձեր իղձերի իրականացման ճանապարհին միշտ լինելու եմ ձեր կողքին, ավելի շատ եմ աջակցելու»,- շնորհավորելով երիտասարդ կուսակցականներին՝ ընդգծեց Գագիկ Ծառուկյանը:

Փոքրիկների կողմից սիրված Ձմեռ պապերն ու Ձյունանուշները մինչև հունվարի 5-ը կշարունակեն գեղեցիկ նվերներ ու հաճելի ակնթարթներ պարգևել ինչպես մայրաքաղաքում, այնպես էլ մարզերում բնակվող բոլոր երեխաների