Տարադրամ

Արխիվ


« Ապրիլ 2017 »
Երկ Երք Չրք Հնգ Ուրբ Շբթ Կրկ
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Հատուկ հաղորդումներ

Երևանի օլիմպիական հերթափոխի մարզական քոլեջի նորակառույց հրաձգարանում արդեն իսկ մարզումներ են իրականացնում մեր մարզիկները : Հիշեցնենք, որ օլիմպիական կոմիտեի 45 ամյակի կապակցությամբ Հայաստանի ազգային օլիմպիական կոմիտեի նախագահ Գագիկ Ծառուկյանը յուրահատուկ նվերների մի ամբողջ շարք էր  մատուցել մարզական քոլեջին՝ սեփական միջոցներով կառուցելով թենիսի կորտեր, տեկվանդոյի մարզադալիճ ՝ համալրված մարզասարքերով և ժամանակակից հրաձգարան:

Երևանի օլիմպիական հերթափոխի պետական մարզական քոլեջը տոնում է հիմնադրման 45 ամյակը: Ուղիղ 45 տարի այս կառույցը համարվում է հայկական սպորտի դարբնոցը: Հենց այս քոլեջի մարզիկներն են հետագայում համալրում ֆիզիկական կուլտուրայի Հայկական  պետական ինստիտուտն ու աշխարհի տարբեր մրցահարթակներում բարձր պահում Հայաստանի անունը:  Քոլեջի 45 ամյակի  կապակցությամբ Հայաստանի ազգային օլիմպիական կոմիտեի նախագահ Գագիկ Ծառուկյանը յուրահատուկ նվերների ամբողջական շարք է մատուցել մարզական քոլեջին: Նրա անձնական միջոցներով  քոլեջի քանդված ու ավիրված տարածքում  կառուցվել են թենիսի կորտեր, թեկվանդոյի մարզադալիճ ՝ համալրված վերջին սերնդի մարզասարքերով  և ժամանակակից հրաձգարան:  Նոր մարզակառույցների բացումն անձամբ  ազդարարել է Գագիկ Ծառուկյանը:  Տոնական օրվա կապակցությամբ շնորհավորելով քոլեջի ուսանողական ու մանկավարժական կազմին՝  ՀԱՕԿ նախագահը  ընդգծել է, որ օլիմպիական հերթափոխի քոլեջը  իր  առանձնահատուկ դերն ու նշանակությունն ունի հայկական սպորտի կայացման ու զարգացման գործում:

Խոստումնալից հեռանկարներ հայ-ղազախական հարաբերությունների համար. Գագիկ Ծառուկյանը հանդիպել է Հայաստանում Ղազախստանի արտակարգ և լիազոր դեսպան Թիմուր Ուրազաևի հետ: Երկարատև զրույցի ընթացքում քննարկվել են երկու երկրների տարբեր ոլորտների միջև ակտիվ գործակցություն սկսելու վերաբերյալ հարցեր: Կողմերը կարևոր են համարել հատկապես գործարար կապերի ընդլայնումն ու ամրապնդումը: Որպես համատեղ գործակցության առաջին քայլ՝ Գագիկ Ծառուկյանն  առաջարկել է հայկական շուկայում ներկայացնել ղազախական արտադրության ապրանքները՝ խոստանալով անվճար տեղեր հատկացնել դրա համար:

Հայաստանի ազգային օլիմպիական կոմիտեի նախագահ Գագիկ Ծառուկյանն ընդունել է Բուլղարիայում կայացած բազկամարտի աշխարհի առաջնությունում փայլուն հանդես եկած մեր բազկամարտի հավաքականի անդամներին: Հիշեցնենք, որ մեր մարզիկները աննախադեպ արդյունք են գրանցել բազկամարտի աշխարհի առաջնությունում հայրենիք վերադառնալով 4 ոսկե, մեկ  արծաթե և երկու բրոնզե մեդալով:

Ավելի քան 40 միլիոն դոլարի ներդրում,  200 նոր աշխատատեղ. Երևանի կենտրոնում կառուցված  «Մուլտի Վելնես» սպորտային և ժամանցային համալիրն պատրաստ է հյուրընկալել առողջ կենսակերպին հետևող ու կատարյալին ձգտող բոլոր մարդկանց: Բացման հանդիսավոր արարողությանը  երեկ ներկա են գտնվել նախագահ Սերժ Սարգսյանը, «Մուլտի Գրուպ» կոնցեռնի հիմնադիր Գագիկ Ծառուկյանը, Երևանի քաղաքապետ Տարոն Մարգարյանը, Հայաստանում հավատարմագրված դեսպաններ, մարզաշխարհի ներկայացուցիչներ, գործարարներ: Հանրապետության նախագահը Գագիկ Ծառուկյանի և հյուրերի հետ շրջել է նորաբաց համալիրում, ծանոթացել կատարված աշխատանքներին և առաջարկվող ծառայություններին: Ավելի քան 10.000 քառակուսի մետր զբաղեցնող կառույցն, իր մասշտաբներով, համաշխարհային ճանաչում ունեցող ապրանքանիշների ամենավերջին սերնդի սարքավորումներով, բարձր որակավորում ունեցող մասնագետների մշակած հատուկ ծրագրերով  եզակի է ոչ միայն Հայաստանում, այլև ամբողջ տարածաշրջանում: «Մուլտի Վելնեսն» առաջարկում է առողջ ապրելակերպի ամբողջական ծառայություններ՝ երեք բաղադրիչների յուրօրինակ համադրությամբ. մարզումների նորարարական ծրագրեր, մարմնի կատարյալ խնամք, ճիշտ և օգտակար սնունդ: «Մուլտի Գրուպ» կոնցեռնի հիմնադիր Գագիկ Ծառուկյանը նշել է, որ միջազգային ամենաբարձր չափորոշիչներին համապատասխանող համալիրը կառուցել է ժողովրդի համար: