Տարադրամ

Արխիվ


« Ապրիլ 2017 »
Երկ Երք Չրք Հնգ Ուրբ Շբթ Կրկ
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Հատուկ հաղորդումներ

207 երկիր աշխարհի 5 մայրցամաքներից, համաշխարհայի սպորտի ավելի քան 1000 ներկայացուցիչ:  Քաթարի մայրաքաղաք Դոհայում տեղի է ունեցել Ազգային օլիմպիական կոմիտեների ասոցիացիայի 21-րդ գլխավոր ասամբլեան, որին մասնակցել է նաև ՀԱՕԿ նախագահ Գագիկ Ծառուկյանի գլխավորած պատվիրակությունը: Ասամբլեայի ընթացքում տեղի ունեցած մրցանակաբաշխությանը Գագիկ Ծառուկյանը համաշխարհային սպորտի զարգացման և օլիմպիական գաղափարների տարածման գործում ունեցած նշանակալից ավանդի համար Միջազգային օլիմպիական կոմիտեի նախագահ Թոմաս Բախի կողմից պարգևատրվել է Ազգային օլիմպիական կոմիտեների ասոցիացիայի բարձրագույն պարգևով:

Երևանի Հակոբ Պարոնյանի անվան երաժշտական կոմեդիայի պետական թատրոնը նշում է հիմնադրման 75 ամյակը: Այդ առիթով երեկ կազմակերպվել էր հանդիսավոր երեկո, որին մասնակցել են Հայաստանի Նախագահ Սերժ Սարգսյանը և առաջին տիկին Ռիտա Սարգսյանը: Հոբելյանի կապակցությամբ լույս է տեսել Պարոնյանի անվան երաժշտական կոմեդիայի պետական թատրոնի վերաբերյալ գիրք, որը հովանավորել է բարերար Գագիկ Ծառուկյանը: Կատարելով գրքի գինեձոնը՝ բարերարի մայրը՝ տիկին Ռոզա Ծառուկյանը, հանդիսավոր երեկոյի իր խոսքում Ծառուկյան ընտանիքի անունից շնորհավորել է պարոնյանցիներին և հայտարարել, որ Ծառուկյան բարեգործական հիմնադրամը միշտ եղել է և մնալու է հայ մշակույթի և թատրոնի կողքին:

Ուսանողության միջազգային տոնի կապակցությամբ ՀԱՕԿ նախագահ Գագիկ Ծառուկյանի նախաձեռնությամբ ու հովանավորությամբ  Ֆիզիկական կուլտուրայի հայկական պետական ինստիտուտում անցկացվել է  բազկամարտի ուսանողական մրցաշար, որին մասնակցել են  Երևանի և մարզերի բոլոր բուհերի և կրթական հաստատությունների ուսանողները: Հաղթողներն ու մրցանակակիրները ՀԱՕԿ նախագահի կողմից արժանացել են մեդալների , գավաթների ու  դրամական խոշոր պարգևների:

Գագիկ Ծառուկյանն աշխատանքային այցով եղել է Լիբանանում, որտեղ հանդիպել է  Մեծի Տանն Կիլիկիո Արամ Առաջին կաթողիկոսի հետ: Գագիկ Ծառուկյանը հայտնել է, որ ցանկություն ունի սիրահայերին աջակցելու նպատակով ստեղծել հիմնադրամ, սակայն մինչև այդ եկել է հարցի վերաբերյալ Վեհափառ Հայրապետի տեսակետը լսելու: Մեծի Տանն Կիլիկիո Արամ Առաջին կաթողիկոսը ողջունել է Գագիկ Ծառուկյանի նախաձեռնությունը՝ ընդգծելով, որ աջակցությունը սիրահայերին համահայկական կարևորագույն խնդիր է:

Ուսանողների տոնը լավագույն առիթ ևս մեկ անգամ երիտասարդներին մեկ հարկի տակ համախմբելու համար: Ավելի քան 15 տարի Գագիկ Ծառուկյան բարեգործական հիմնադրամի շնորհիվ Ուսանողների միջազգային տոնը Հայաստանում նշվում է մեծ շուքով: Ավանդույթի համաձայն տոնական այս օրը մեր երկրի հազարավոր երիտասարդների հետ է անցկացնում  նաև Գագիկ Ծառուկյանը: Ուսանողների հետ ջերմ ու անմիջական հանդիպման ժամանակ  Մուլտի գրուպ կոնցեռնի հիմնադիր Գագիկ Ծառուկյանը հորդորել է երբևէ չմտածել Հայաստանից գնալու մասին և ստացած գիտելիքները ծառայեցնել ի նպաստ  հայրենիքի զարգացման: Գագիկ Ծառուկյանի հանձնարարությամբ այս տարի մի քանի անգամ ավելացվել է անվանական կրթաթոշակ ստացող ուսանողների թիվը՝ նրանց շարքերում ընդգրկելով նաև սիրիահայ ու սփյուռքից հայրենիք եկած մի քանի տասնյակ ուսանողների:  Այսպիսով,  Հանրապետության բոլոր  բուհերի  բարձր առաջադիմություն ունեցող  900  ուսանող այսօր  արժանացել են Գագիկ Ծառուկյան բարեգործական հիմնադրամի անվանական կրթաթոշակի: