Տարադրամ

Արխիվ


« Օգոստոս 2017 »
Երկ Երք Չրք Հնգ Ուրբ Շբթ Կրկ
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
Նորություններ

Արևմտյան պատժամիջոցների հանումից հետո տնտեսական գործակցությունը խորացրած Հայաստանն ու Իրանը դժգոհ են առևտրաշրջանառության ներկա մակարդակից: 170 միլիոն դոլարը բավարար ցուցանիշը չէ, քանի որ Երևանն ու Թեհրանը կարծում են, որ տնտեսական հարաբերությունը զարգացնելու ավելի մեծ ներուժ կա: Իրանագետ Արմեն Իսրայելյանի գնահատամամբ՝ վերջերս հաստատված Մեղրի-Նորդուզ անցակետի համատեղ օգտագործման վերաբերյալ համաձայնագիրն ու Իրանի նոր կառավարության տարածաշրջի ծրագրերը առաջընթացի նոր դռներ կարող են բացել  երկու երկրների հարաբերությունում:

Քաղաքագետներն ու հասարակական գործիչները Հայաստանում շարունակում են քննարկել ռազմավարական դաշնակից Ռուսաստանի հարձակողական զենքի վաճառքն Ադրբեջանին: Բիզնե՞ս թե քաղաքականություն,-այս է խնդիրը: Ընդունելի է արդյոք այն պատճառաբանությունը, որ եթե Ռուսաստանը չվաճառի, կվաճառեն ուրիշները,- պատասխանները՝ տեսանյութում:

Կրթաթոշակների վերանայում, կրթական ձևաչափի փոփոխություն, բուհերի ազատ գործելու հնարավորություն. կրթության և գիտության նախարարությունը նոր ու արմատական փոփոխություններ է նախատեսում առաջիկա 5 տարվա ընթացքում: Ուսանողներն այսուհետև կսովորեն նորացված միջավայրում և բոլորովին նոր մեթոդներով:

Վարչապետ Կարեն Կարապետյանի գլխավորությամբ Տավուշի մարզի Դիլիջան քաղաքում տեղի է ունեցել խորհրդակցություն: Քննարկել են մարզի և համայնքների զարգացման ծրագրերի ընթացքը, կատարված աշխատանքներն ու անելիքները: Ներկայացնելով մարզի սոցիալ-տնտեսական վիճակը և մակրոտնտեսական ցուցանիշները` Տավուշի մարզպետ Հովիկ Աբովյանը նշել է, որ հանրապետության ՀՆԱ ցուցանիշում մարզի բաժինը մոտ 2 տոկոս է: 2016թ. համախառն արդյունաբերական արտադրանքի ծավալը մոտ 12.130 մլրդ դրամ է, իսկ համախառն գյուղատնտեսական արտադրանքի ծավալը՝ 41 մլրդ 300 մլն դրամ:

Առողջ կենսակերպի արմատավորում, սպորտի մասսայականացում, հայ ընտանիքների միջև համերաշխության սերմանում. Ծաղկաձորի  գլխավոր մարզահամալիրում այսօր կայացել է ՀՀ նախագահի մրցանակի համար անցկացվող «Լավագույն մարզական ընտանիք 2017»-ի եզրափակիչ փուլն ու պարգևատրման արարողությունը:  Մրցույթին մասնակցել է նախորդ փուլերը հաջողությամբ հաղթահարած 144 ընտանիք՝ Երևանից, Հայաստանի 10-ը մարզերից և Արցախից, նաև հաշմանդամություն ունեցող 23 ընտանիք: Ավանդույթի համաձայն՝ եզրափակիչ փուլի մրցելույթներին հետևել են  Նախագահ Սերժ Սարգսյանը և  ՀԱՕԿ նախագահ Գագիկ Ծառուկյանը: