Տարադրամ

Արխիվ


« Օգոստոս 2017 »
Երկ Երք Չրք Հնգ Ուրբ Շբթ Կրկ
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
Նորություններ

Ոչ առաջին – ոչ էլ վերջին անգամն է, որ պիտի լսենք ռուսերենին պաշտոնական լեզվի կարգավիճակ տալու առաջարկի մասին: Լեզվաբաններ Լավրենտի Միրզոյանն ու Արտաշես Մարտիրոսյանը դա աբսուրդի ժանրից են համարում: Իսկ, եթե ՌԴ Պետդումայի խոսնակ Վյաչեսլավ Վոլոդինը դա համարում է հայկական վարորդական իրավունքի ընդունման նախապայման, ապա այդ դեպքում էլ ՌԴ - ն խախտում է միջազգային համաձայնագրերը:

Ապրիլյան պատերազմից հետո հայկական կողմը Հայաստանի և Արցախի Մարդու իրավունքների պաշտպանների գրասենյակների և տարբեր հասարակական կազմակերպությունների միջոցով Եվրոպական դատարան է ուղարկել Ադրբեջանի իրականացրած հանցագործությունների վերաբերյալ մոտ 700 գանգատ: Ավելի քան երկու տասնյակ գործի Եվրոպական դատարանը որոշել է ընթացք տալ: Գործերը գրավոր դատաքննության փուլում են, հետևաբար որոշումներ դեռ չեն կայացվել: Հայաստանի մարդու իրավունքների պաշտպան Արման Թաթոյանին մտահոգում է այն, որ հանցագործությունների մասին միջազգային կառույցների գնահատականներում բացակայում է Ադրբեջանին ուղղված հասցեական քննադատությունը:

Սաղարթախիտ անտառներ, սառնորակ աղբյուրներ, պատմամշակութային կոթողներ և ենթակառուցվածքներ, որոնք կնպաստեն զբոսաշրջության զարգացմանը: Պայմանների բարելավման ուղղությամբ գյուղում զգալի քայլեր են արվել: Գյուղն ունի էկոկենտրոն, որտեղ հյուրերին առաջարկում են բացառապես օրգանիկ սննդամթերք: Գիշերակացի հարցում ծմակահողցիները դեռ անելիք ունեն: Իջևանատունը պատրաստ կլինի մեկ ամիս անց:

Սննդամթերքի անվտանգության պետական ծառայության պետը հայտարարել է, թե սննդամթերքի անվտանգության ուղղությամբ իրականացնում է ծավալուն աշխատանք, մինչդեռ պաղպաղակի շուկայում փորձաքննության արդյունքն այլ բանի մասին է խոսում: Օրինակ, «Պլոմբիր» պաղպաղակ արտադրող 8 ընկերություններից միայն 3 – ի արտադրանքն է համապատասխանել այդ տեսակին ներկայացվող տեխնիկական պահանջին:

Հայաստանի կառավարությունը հավանություն է տվել հայ-ռուսական միացյալ զորախմբի մասին ՌԴ -ան հետ համաձայնագիրը վավերացնելու մասին օրենսդրական նախաձեռնությանը: Հայաստանի և Ռուսաստանի զինված ուժերի զորքերի Միացյալ խմբավորման մասին hամաձայնագիրը ստորագրվել է  2016-ի նոյեմբերին Մոսկվայում: Կառավարության օրենսդրական նախաձեռնությունը  կներկայացվի ազգային ժողով: