Տարադրամ

Արխիվ


« Փետրվար 2017 »
Երկ Երք Չրք Հնգ Ուրբ Շբթ Կրկ
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          
Նորություններ

Հայ Առաքելական եկեղեցին այսօր տոնում է Տեառնընդառաջը՝ քառասնօրյա Մանուկ Հիսուսին տաճարին ընծայաբերելու տոնը: Այն Տիրոջն ընդառաջ գնալու հրավեր է բոլոր քրիստոնյաներին: Ինչպես այն ժամանակ ժողովուրդը ջահերով և կանթեղներով դուրս եկավ Տիրոջն ընդառաջ, այսօր էլ նույն օրինակով կրակ ենք վառում՝ այն ծառայեցնելով Հիսուս Քրիստոսին: Տեառնընդառաջին կամ Տրնդեզին վերագրում են նաև հեթանոսական արմատներ: Տոնի նախաքրիստոնեական և քրիստոնեական  խորհուրդները մեր ռեպորտաժում:

Արևմտյան երկրներում չկա այն, ինչը կա Հայաստանում՝ ձեր երկիրն այդ առումով հարուստ է: Գերմանացի քանդակագործ Բերտրան Ֆրեյսլեբենը հիացած է մեր երկրում շախմատի զարգացման գործում կատարված աշխատանքով: Նա քանդակել է շախմատային օլիմպիադաների եռակի հաղթող Լևոն Արոնյանի կիսանդրին:

Եթե Ադրբեջանը շարունակի ապակառուցողական քաղաքականությունը, ապա Հայաստանը պետք է վերանայի տարբեր հարցերի հետ կապված իր դիրքորոշումը,- կարծում է «Հայացք» կիրառական քաղաքականության և հետազոտությունների վերլուծական կենտրոնի ղեկավար Նարեկ Մինասյանը: Ըստ նրա, վերջին շրջանում հրադադարի խախտումների ակտիվացմամբ, հակառակորդն ուզում է ցույց տալ, որ իրենք են վիճակը թելադրում: Կովկասի ինստիտուտի տնօրեն Ալեքսանդր Իսկանդարյանի կարծիքով, Ադրբեջանի մոտ քաղաքական շիզոֆրենիայի նշաններ են նկատվում:

Ադրբեջանը Արցախի դեմ լուրջ պատերազմ սկսելու պատճառ ունի, քան անցյալ տարի ապրիլի անհաջող բլից կրիգի ժամանակ էր- հայտարարել է քաղաքագետ Հրանտ Մելիք-Շահնազարյանը: Նա շեշտել է, որ հակառակորդը սահմանին ձգտում է հետզհետե ավելացնել լարվածությունը, ինչի վկայությունը օր օրի կիառվող զինատեսակներն են: Քաղաքագետն անդրարդարձել է նաեւ բլոգեր Ալեքսանդր Լափշինի հանձմանը: Դրանից հետո ադրբեջանական զանգվածային լրատվամիջոցները քիչ էին մնում Սուպերմենի հագուստ հագցնեն Իլհամ Ալիեւին:

Սեյրան Օհանյանը, Րաֆֆի Հովհաննիսյանը և Վարդան Օսկանյանն այսօր ԱԺ ընտրությանը դաշինքով մասնակցելու վերաբերյալ հուշագիր են ստորագրել: Օհանյան, Րաֆֆի, Օսկանյան դաշինքը մտադիր է տարբեր տարիներին բարձր պաշտոններ զբաղեցրած անձանց փորձը ներդնել, երկրում շատ բան շատ արագ փոխելու համար: Հակառակ սպասումների՝ այսօր ձևավորված դաշինքում ավելի քիչ քաղաքական ուժեր են, քան  կանխատեսվում էր: Վիկտոր Դալլաքյանն այսօր հայտարարել է, որ կուլուարային գործընթացների և պայմանավորվածությունների խախտման պատճառով չի միանում Օհանյան, Րաֆֆի, Օսկանյան դաշինքին: Պարզվում է՝ գործընկերներից առանձնանալու Դալլաքյանի նշած պատճառներից մեկն էլ ԼՂՀ պաշտպանության նախկին նախարար Սամվել Բաբայանն է: