Տարադրամ

Արխիվ


« Հունվար 2017 »
Երկ Երք Չրք Հնգ Ուրբ Շբթ Կրկ
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          
Նորություններ

Տրանսպորտի նախարարության երկաթուղու շինարարության տնօրինությունը կփակվի, որոշումն ընդունել է կառավարության այսօրվա  նիստը։  Տնօրինությունը գործում էր Տրանսպորտի եւ ՏՏ նախարարությանն առընթեր։ Ավելի վաղ նախարարության ներկայացուցիչները հայտնել էին, որ հնարավոր ներդրողների հետ բանակցությունը շարունակվում է, սակայն գրավոր հիմնավորման մեջ ասվում է, որ Դուբայում գրանցված  ՌԱՍԻԱ  ընկերության հետ բանակցությունը ձգձգվում է անորոշ ժամկետով։ Որոշմամբ նախատեսվում է աշխատանքից ազատել 13 աշխատակցի։ Դուբայում կստեղծվի Հայաստանի գլխավոր հյուպատոսություն: Նախագիծն այսօր ընդունել է Կառավարությունը:

Ավանդույթի համաձայն ամեն տարի նախատոնական և տոնական օրերին ապրանքների գները արհեստականորեն թանկանում են:  Ի տարբերություն նախորդ տարիների այս տարի թանկացումը հատկապես  նկատելի է եղել մրգերի և բանջարեղենի շուկայում: Ինչ գնային տատանումներ է  լինում  նախատոնական, տոնական և հետտոնական օրերին և որքան է տևում գների փոփոխությունը:

2016-ի դեկտեմբերի 31-ին Վրաստանի և Գազպրոմ-էքսպորտի միջև կնքված պայմանագրի ժամկետը, սակայն կողմերը մինչև օրս նոր պայմանների վերաբերյալ համաձայնության չեն եկել: Պայմանագիրը ներառում էր ինչպես գազի գնումը, այնպես էլ տարանցումը դեպի Հայաստան: Կողմերի միջև վերջին հանդիպումը 2016 թվականի դեկտեմբերին էր: Չնայած պայմանագրի ժամկետի սպառմանը գազի տարանցումն այս պահին իրականացվում է սովորական ռեժիմով:

Հանրակրթական դպրոցների 3-12-րդ դասարաններում վերսկսել է ուսումնական գործընթացը:  Հաշվի առնելով ոչ բարենպաստ եղանակը`  կրթության և գիտության նախարար Լևոն Մկրտչյանը հեռախոսազրույցներ է ունեցել հանրապետության բոլոր մարզպետների,  նաև Երևանի քաղաքապետի հետ: Նախարարը  շրջաբերական է ուղարկել բոլոր մարզպետներին և Երևանի քաղաքապետին` առաջարկելով այն հաստատություններում, հատկապես գյուղերի, որտեղ դասասենյակներում ցուրտ է, ըստ անհրաժեշտության, դասերը սկսել առավոտյան ժամը 10-ից` 30 րոպե տևողությամբ դասաժամերով: Այսօր մեր նկարահանող խումբը եղել է Աշոտ Մանուկյանի անվան   93-րդ դպրոցում և Զովունու միջնակարգ դպրոցում:  Արդյոք ջեռուցվում են դպրոցները և որքան է դասասենյակի միջին ջերմաստիճանը պարզել են իմ գործընկերները:

Երեկ երեկոյան ԵԱՀԿ Մինսկի խմբի համանախագահները հանդես են եկել ուշացած հայտարարությամբ ՝ անցած տարվա դեկտեմբերի 29-ին Տավուշում Ադրբեջանի ձեռնարկած դիվերսիայի փորձի վերաբերյալ։ Համանախագահները Հայաստանի ու Ադրբեջանի առաջնորդներին կոչ են արել խստորեն հետևել Վիեննայում և Սանկտ Պետերբուրգոմ 2016-ին ձեռքբերված պայմանավորվածություններին: Միջնորդների հայտարարությանն այսօր արձագանքել է Հայաստանի արտգործնախարարը: Չպետք է թույլ տալ, որ ուշացած արձագանքը խախտումներ իրականացնողն ընկալի, թե իր գործողությունները կարող են հանդուրժել,- ասել է Էդվարդ Նալբանդյանը: Տավուշի սահմանին տեղի ունեցած միջադեպից մոտ 2 շաբաթ հետո հնչած Մինսկի խմբի հայտարարության  արձագանքները: