Տարադրամ

Արխիվ


« Հունիս 2017 »
Երկ Երք Չրք Հնգ Ուրբ Շբթ Կրկ
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    
Նորություններ

Քաղաքագետ Հրանտ Մելիք-Շահնզարայանը լայնածավալ պատերազմ սկսելու վտանգ չի տեսնում, չբացառելով, որ կարող են լինել լոկալ բախումներ: Ադրբեջանը հասկանում է, որ այս պայմանների, ուժերի այս դասավորվածության պայմաններում չի կարող պատերազմ սկսել:

Եթե մեր աջակցությունն այլևս ցանկալի չէ, մենք մեր ներկայությունը չենք պարտադրի, այսօր հայտարարել է Հայաստանում ԵՄ պատվիրակության ղեկավար, դեսպան Պյոտր Սվիտալսկին: Եվրամիության դիվանագետը վերջերս սուր քննադատության էր ենթարկել Հայաստանի Խորհրդարանի վերջին ընտրության որոշ ասպեկտներ, ինչից հետո արժանացել էր իշխանության ներկայացուցիչների սուր հանդիմանությանը և մեղադրվել Հայաստանի ներքին գործերին միջամտելու համար: Արձագանքելով այդ մեղադրանքներին՝ Պյոտր Սվիտալսկին այսօր հայտարարել է՝ Ինքնիշխանության սպառնալիքները այլ տեղ են :

Հունիսի 18-ից 20-ը Հայաստանում կանցկացվի վրացի մեծանուն կոմպոզիտոր, մանկավարժ, ԽՍՀՄ ժողովրդական արտիստ Գիա Կանչելիին նվիրված փառատոն: Միջոցառման ընթացքում Երևանում տեղի կունենա երկու սիմֆոնիկ և մեկ կամերային համերգ, կհնչեն Կանչելիի ստեղծագործությունները:

Նրանց խնդիրների մասին բարձրաձայնում են, բայց դրանք շարունակվում են չլուծված մնալ: Ադրբեջանի ԽՍՀ-ից փախստականների համագումարի համակարգող Մարիամ Ավագյանն արձանագրում է, որ Հայաստանում փախստականներն ունեն այն նույն խնդիրները, ինչ բոլոր մյուս հայաստանցիները՝ գումարած, որ շարունակում են պահպանել փախստականի կարգավիճակը, զրկված են բնակության մշտական վայրից:

Razm.info մասնագիտացված կայքի վերլուծաբաններ Գարիկ Հարությունյանը և Տարոն Հովհաննիսյանը ճիշտ չեն համարում անմիջական կապ  տեսնել այսօր Ադրբեջանում մեկնարկած լայնածավալ զորահավարժության և սահմանի լարվածության աճի միջև: Ադրբեջանն այնքան անկանխատեսելի է, որ անկախ զորավարժությունից պետք է պատրաստ լինել տարբեր սցենարների,- եզրակացնում են փորձագետները: Razm.info-ի վերլուծաբանները նաև կոչ են անում չթերագնահատել թշնամուն. ադրբեջանցիները ոչխար չեն,- ասել է Տարոն Հովհաննիսյանը: