Տարադրամ

Արխիվ


« Հունիս 2017 »
Երկ Երք Չրք Հնգ Ուրբ Շբթ Կրկ
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    
Նորություններ

Տեսախցիկների արձանագրած խախտումներից ստացվող միջոցներն այսուհետև կուղղվեն զոհված ազատամարտիկների և զինծառայողների ընտանիքների բնակարային խնդիրների լուծմանը: Որոշման նախագիծը կառավարության նիստի ժամանակ ներկայացրել է պաշտպանության նախարար Վիգեն Սարգսյանը: Իսկ վարչապետը կառավարության անդամներին կոչ է արել չթուլացնել աշխատանքի տեմպը: «Մեր աշխատանքը ռեստարտ ենք տալիս», - հայտարարել է Կարեն Կարապետյանը:

Տոկիոյում կայացած ծանրամարտի աշխարհի երիտասարդական առաջնությունում հայ ծանրորդ Սիմոն Մարտիրոսյանը  գերծանր քաշային կարգում չի ունեցել հավասարը և սահմանելով համաշխարհային ռեկորդ հերթական անգամ նվաճել է աշխարհի չեմպիոնի տիտղոսը: Աշխարհի երիտասարդական առաջնության 105+ քաշային կարգում Մարտիրոսյանը պոկել է 191 կգ և հրել 235 կգ` երկու դեպքում էլ նվաճելով փոքր ոսկե մեդալ: Երկամարտի 426 կգ արդյունքով օլիմպիական փոխչեմպիոնը դարձել է աշխարհի առաջնության չեմպիոն: Կանանց հավաքականի անդամ Արփինե Դալալյանը գրավել էր 4-րդ հորիզոնականը:--

«Եվրոպական կառույցների առջև Հայաստանի պարտավորություններից է ազատ և արդար ընտրությունների անցկացումը, և եթե դիտորդները նշում են, որ ընտրության ընթացքում եղել են պահեր, որոնք վայել չեն եղել ընտրական գործընթացին, ապա ես պատճառ չեմ տեսնում, որ պարոն Սվիտալսկին չպետք է արտահայտեր իր կարծիքը», - անդրադառնալով Հայաստանում ԵՄ դեսպանի հայտարարությանը՝ նշել է մեր երկրում Չեխիայի Հանրապետության արտակարգ և լիազոր դեսպանը: Պետր Միկիսկան ամփոփել է հայ – չեխական միջպետական մոտ 25 - ամյա գործունեությունը:

Խորհրդարանն այսօր հաստատել է վարչապետ Կարեն Կարապետյանի կառավարության 2017-2022 թթ. գործունեության ծրագիրը: Փաստաթուղթն ընդունվել է 64 կողմ, 31 դեմ, 0 ձեռնպահ ձայնով: Կողմ քվեարկել է  քաղաքական մեծամասնությունը՝ Հանրապետական և Դաշնակցություն խմբակցությունները: Դեմ քվեարկել են ընդդիմադիր Ծառուկյան խմբակցությունը և Ելքը, որոնք սուր քննադատության են ենթարկել ներկայացված ծրագիրը: Եզրափակիչ ելույթում վարչապետ Կարեն Կարապետյանը հայտարարել է, որ Կառավարության 2017-2022 թթ. գործունեության ծրագիրը աշխատունակ է, պոտենացիալ ունեցող և հաշվարկված: Քննարկումն ուղեկցվել է նաև բախումներով՝ ի պատասխան Հանրապետական խմբակցության ղեկավար Վահրամ Բաղդասարյանի ռեպլիկին՝ ՀԱԿ խմբակցության ղեկավար Նիկոլ Փաշինյանը սպառնացել է շշով հարվածել նրան:

Հայաստանը նախահարձակ պիտի լինի ոչ թե ճակատում, այլ տեղեկատվական, կիբեռհարձակումների տիրույթում: «Նորավանք» գիտակրթական հիմնադրամի տնօրեն Գագիկ Հարությունյանի դիտարկմամբ, միջազգային հանրության դերը հանգեցնում է լարվածության աճի: