Տարադրամ

Արխիվ


« Օգոստոս 2017 »
Երկ Երք Չրք Հնգ Ուրբ Շբթ Կրկ
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
Նորություններ

Գյումրեցի Գոռ Վարդանյանը աշխարհում յուրահատուկ շախմատի ստարտափ է ստեղծել, որի ներբեռնումների քանակը հասել է 90 հազարի: Չեսիֆայի հեղինակներն աշխատում են Հայաստանի շախմատիստների, այդ թվում 2016 թվականի Հայաստանի շախմատի առաջնության հաղթող Զավեն Անդրիասյանի հետ՝ նրան տրամադրում են ծրագիրն ու արձագանքների հիման վրա փոփոխություն կատարում ու զարգանում։ 

Սեպտեմբերի մեկին ընդառաջ՝ առևտրի կենտրոններում գնորդի պակաս չկա: Բոլորը պատրաստվում են երեխաներին դպրոց ճանապարհել նոր հագուստով ու գրենական պիտույքով: Արդյո՞ք ծնողները գոհ են գներից, և ի՞նչ արժե մեկ երեխայի դպրոցական պատրաստությունը դիտեք ներկայացվող տեսանույթում: 

Օրեր առաջ Միացյալ Նահանգների նախագահ Դոնալդ Թրամփը վավերացրել է Կոնգրեսի առաջադրած Ռուսաստանի Դաշնության, Հյուսիսային Կորեայի և Իրանի Իսլամական Հանրապետության նկատմամբ պատժամիջոցների փաթեթը ընդլայնող հայտնի օրինագիծը: Այդ օրինագծի մի ծավալուն հատված նվիրված է Ռուսաստանի նկատմամբ նոր տնտեսական սահմանափակումներին՝ ի պատասխան ՌԴ հատուկ ծառայությունների միջամտությանը 2016թ. Միացյալ նահանգների  նախագահի ընտրությանը,  նաև Ռուսաստանի ունեցած դերակատարմանը ուկրաինական հակամարտությանը: Այդ սահմանափակումներով Միացյալ նահանգները ցանկանում է կտրուկ հարված հասցնել Ռուսաստանի տնտեսությանը: Որքանով կազդի պատժամիջոցները  Հայաստանի վրա:

Նախագահ Սերժ Սարգսյանի մոտ այսօր տեղի է ունեցել աշխատանքային խորհրդակցություն՝ Խոսրովի անտառ պետական արգելոցի տարածքում օգոստոսի 12-ին բռնկված խոշոր հրդեհի հրդեհաշիջման ընթացքի,  նաև հանրապետության ամբողջ տարածքում տևական ջերմային բարձր ֆոնի և տեղումների բացակայության պայմաններում անտառամերձ ու անտառային գոտիներում առաջացած հրդեհավտանգ վիճակի պատշաճ վերահսկողության, կանխարգելիչ աշխատանքի իրականացման, առաջացած հրդեհների պատճառների բացահայտման ուղղությամբ տարվող աշխատանքների, բնությանը և գյուղացիական տնտեսություններին հասցված վնասի ուսումնասիրման, դրա վերականգնման հնարավորության վերաբերյալ: Քննարկվել է նաև ստեղծված վիճակում նոր միջոցների ձեռնարկման անհրաժեշտությունը:  Խորհրդակցությանը մասնակցել են Նախագահի աշխատակազմի ղեկավարը, գլխավոր դատախազը, արտակարգ իրավիճակների, գյուղատնտեսության, բնապահպանության նախարարները, Նախագահի աշխատակազմի վերահսկողական ծառայության ղեկավարը, արտաքին գործերի, տարածքային կառավարման և զարգացման նախարարների տեղակալներ, Նախագահի աշխատակազմի պատասխանատու պաշտոնյաներ: Հանրապետության Նախագահին զեկուցվել է նաև հրդեհաշիջման աշխատանքի ընթացքում ի հայտ եկած դժվարության, դրանց լուծման ուղղությամբ օրեր առաջ Նախագահի կողմից օպերատիվ կարգով տրված հանձնարարականների համաձայն ձեռնարկվող միջոցների վերաբերյալ: Ոլորտների պատասխանատուները զեկուցել են, որ ձեռնարկվել են անհրաժեշտ բոլոր միջոցները, և այս պահին եղած հնարավորությունները բավարար են պետական արգելոցի տարածքում առաջացած խնդիրը լուծելու համար, հրդեհավտանգ բոլոր հատվածներում իրականացվում է ամենօրյա ուժեղացված հսկողություն: Սերժ Սարգսյանը շնորհակալություն է հայտնել բոլոր այն մարդկանց և կառույցներին, որոնք այս ամբողջ ընթացքում պայքարել են հրդեհների դեմ: Նախագահը հատուկ շնորհակալություն է հայտնել նաև ՌԴ գործընկերներին, որոնք օպերատիվ արձագանքելով հայ գործընկերների աջակցության խնդրանքին, այժմ ակտիվորեն ներգրավված են հրդեհաշիջման կարևոր աշխատանքում: