Տարադրամ

Արխիվ


« Հունվար 2017 »
Երկ Երք Չրք Հնգ Ուրբ Շբթ Կրկ
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          
Նորություններ

Քաղաքական հաշվեհարդար. Հայաստանում այսպես են բնորոշում բլոգեր Ալեքսանդր Լապշինի դեմ Ադրբեջանի մեղադրանքն ու Բելառուսում գտնվող բլոգերի արտահանձնումը Ադրբեջանին: Փաստաբանները մատնացույց են անում Լապշինի առնչությամբ ՄԱԿ – ին դիմելու ճանապարհը: Մանրամասները՝ տեսանյութում:

Երեկ Կրկժանի ազատագրման 25-րդ տարեդարձն էր: Արցախի մայրաքաղաքի գլխին թառած այդ թաղամասը մինչև 1992թ. հունվարը ռազմական հենակետ էր ազերիների համար:Հունվարի 19-ի լույս 20-ի գիշերը հայկական ստորաբաժանումները ձեռնամուխ եղան կրակակետի ոչնչացման օպերացիային և ընդամենը հաշվված ժամերի ընթացքում թշնամուն դուրս մղեցին  որջից: Ուղիղ 25 տարի անց՝ Կրկժանում հավաքվել էին միևնույն նպատակի ու գաղափարի համար մարտնչած ազատամարտիկները:

Նախագահի աշխատակազմի հանրային կապերի և տեղեկատվության կենտրոնն այս տարվա ընթացքում նախատեսնում է իրականացնել  բազմաթիվ միջոցառումներ  ՝ Քարինտակի հերոսամարտի 25-ամյակին, Շուշիի ազատագրման 25-ամյակին և Մարաղայի ողբերգության 25-րդ տարելիցին նվիրված: Կտարածվեն նյութեր, որոնք ուղղված են ադրբեջանական ստի և կեղծիքի բացահայտմանը, իրականության ներկայացմանը: Բաքվի ջարդերի մասին համեմատաբար քիչ են փաստաթղթերը: «Սովորական ցեղասպանություն» նախագծի անդամները նախաձեռնել են «Մեկ դար տևող ցեղասպանություն» նախագիծը, որի իրականացման համար  նախագծի անդամները հանդիպել են ջարդերի ականատեսներին: Նկարահանվել է «Մեկ դար տևող ցեղասպանություն. Բաքվի սև հունվարը» վավերագրական ֆիլմը,հարցազրույցների հիման վրա նաև գիրք է հրատարակվել:

Ընտրատեղամասերում տեսախցիկներ տեղադրող ընկերության պահանջած գումարը շատ ավելին է, քան նախատեսված էր,- այսօր հայտարարել է ԿԸՀ նախագահ Տիգրան Մուկուչյանը: Մուկուչյանը փարատել է մտահոգությունը,որ քվեարկության օրը տեղամասերում տեսախցիկներ դնելու հարցի ձախողումը կարող է ազդել ընտրության թափանցիկության վրա: Ընտրական Օրենսգրքում ամրագրված թափանցիկության հետ կապված իրավադրույթները , առանց տեսախցիկների էլ, ամբողջական են ու լիարժեք, - հայտարարել է Տիգրան Մուկուչյանը:

«Եղե՛ք անկախ, ակտիվ, սիրե՛ք ձեր երկիրը». սա է կառավարության ղեկավարի հորդորը՝ Հայաստանի ամերիկյան համալսարանի սաներին, որոնց հրավերով: Հարցերը բազմաթիվ են եղել՝ տնտեսությունից մինչև քաղաքականություն: Վարչապետը հայտարարել է, որ կուսակցություն չի հիմնելու: Առաջիկա ընտրությանը ինչու՞ պետք է քաղաքացիները քվեարկեն ՀՀԿ – ի օգտին: Կարեն Կարապետյանի պատասխանը՝ տեսանյութում:

<< Սկիզբ < Նախորդ 1 2 3 4 5 6 7 8 9 10 Հաջորդ > Վերջ >>