Items filtered by date: Երկուշաբթի, 18 Հունվարի 2021
Երկուշաբթի, 18 Հունվարի 2021 22:30

Էպիկենտրոն 18.01.2021

 

 

Published in Էպիկենտրոն
Երկուշաբթի, 18 Հունվարի 2021 19:00

Ձայնային հարված 18.01.2021

Հայաստանի ազգային հերոս Վահագն Ասատրյանն այսօր կդառնար 44 տարեկան: Գնդապետ Ասատրյանն այն եզակի զինվորականներից էր, որը գիտեր ապրել զինվորի կյանքով, լինել նրա փոխարեն ու նրա կողքին: Հերոսի մայրը՝ տիկին Սիման, «Էպիկենտրոնին» պատմել է, որ որդին սովորաբար ծննդյան օրերին տանը չի եղել կամ խնջույքին միացել է ավելի ուշ: Ցավոք, այս անգամ Ասատրյանների ընտանիքը հոբելյարին սպասելու փոխարեն, նրա շիրիմին է այցելել: Զինվորի, բանակի ու հաղթանակի մասին Վահագն Ասատրյանի բացառիկ մտքերը «Էպիկենտրոնի» արխիվից:

Փետրվարի 1-12-ը Թուրքիան ու Ադրբեջանը համատեղ զորավարժություն են անցկացնելու Հայաստանին սահմանակից Կարսում: Սա, ըստ թուրքական ԶԼՄ-ների, լինելու է վերջին ժամանակների ամենամեծ զորավարժություններից մեկը տարածաշրջանում: Թուրքագետ Ռուբեն Մելքոնյանի խոսքով՝ քողարկված մեսիջ պարունակող այս միջոցառման պատասխանը պետք է տա կա՛մ ՀԱՊԿ-ը, կա՛մ հայ-ռուսական համատեղ լայնածավալ զորավարժությունը: Ի՞նչ սպառնալիքներ ու մարտահրավերներ է պարունակում թուրք-ադրբեջանական ռազմական խոշոր ստուգատեսը Հայաստանի համար:

Ի՞նչ խնդիրների են բախվել պատերազմից հետո Հայաստանում ապաստանած արցախցինեհո, և ինչպե՞ս է պետությունն օգնում հայկական վերահսկողության տակ մնացած տարածքներ վերադարձող քաղաքացիներին: Արցախի կառավարությունը 200 միլիոն դրամ է ուղղել Ադրբեջանի բռնազավթած բնակավայրերի բնակիչներին, որոնք գտնվում են Հայաստանում: Նշված գումարից 54 միլիոնն ուղղվել է զոհված զինծառայողների թաղման ծախսերի փոխհատուցմանը: Ծրագրերն ավելի մանրամասն ներկայացրել է Հայաստանում Արցախի կառավարության օպերատիվ շտաբի աշխատանքների համակարգող Միքայել Վիրաբյանը:

Բավական հագեցած օրակարգով Ազգային ժողովում մեկնարկել է այս տարվա առաջին հերթական նստաշրջանը: «Իմ քայլը» խմբակցությունը մերժել է նստաշրջանի օրակարգում ընդգրկել «Լուսավոր Հայաստան»-ի երկու նախագծերը, որոնք վերաբերում էին նոյեմբերի 9-ի հայտարարության իրավաչափությանը և երկրում ստեղծված իրավիճակից դուրս գալու գործողություններին: Ընդդիմությունը շարունակում է պահանջել Նիկոլ Փաշինյանի հրաժարականը: ԲՀԿ խմբակցության պատգամավորների խոսքով՝ խորհրդարան բերված օրակարգը կեղծ է և չի արտահայտում երկրի առաջ ծառացած լրջագույն խնդիրները:

ՄԻՊ Արման Թաթոյանը պաշտոնական նամակով դիմել է ԵԱՀԿ Մինսկի խմբի համանախագահներին ու դեսպան Անջեյ Կասպրշիկին՝ գերիների վերադարձի ու նրանց իրավունքների պաշտպանության հարցով: Նամակում արձանագրված է, որ գերիների վերադարձը կամ ազատ արձակումը պետք է դիտարկվի բացառապես մարդու իրավունքների կամ մարդասիրական գործընթացի շրջանակում: Նամակը վերաբերում է ինչպես զինծառայողներին, այնպես էլ քաղաքացիական անձանց: Թաթոյանը նշում է, որ նոյեմբերի 9-ի եռակողմ հայտարարության 8-րդ կետն ունի ինքնավար նշանակություն և չի կարող դիտարկվել հայտարարության մյուս կետերի հետ կապի կամ կախվածության մեջ: Բացի այդ, ըստ օմբուդսմենի՝ եռակողմ հայտարարությունը պետք է կիրառվի ինչպես դրանից առաջ, այնպես էլ հետո առաջ եկած բոլոր իրավիճակների նկատմամբ:

Երկուշաբթի, 18 Հունվարի 2021 14:27

Ծնվել է տարվա առաջին եռյակը

Այս տարին յուրահատուկ նվեր է մատուցել Մարգարյանների ընտանիքին: Հունվարի 9-ին Հանրապետական ծննդատանը լույս աշխարհ են եկել նրանց երեք աղջնակները՝ Նարեն, Յանան և Աստղիկը: Փոքրիկներին Լեռնանիստում երկու եղբայրներն ու քույրն են սպասում: Մինչև այդ` տարվա առաջին եռյակի երջանիկ ծնողները «Էպիկենտրոն»-ին պատմել են իրենց հույզերի ու զգացողությունների մասին:

ԱԺ «Բարգավաճ Հայաստան» խմբակցության պատգամավորները, կուսակցության նախագահ Գագիկ Ծառուկյանի հանձնարարականով, երկօրյա աշխատանքային այցով մեկնել են Սյունիքի մարզ: Պատգամավորները հանդիպումներ են ունեցել սահմանակից դարձած համայնքների ղեկավարների և բնակիչների հետ: Օրենսդիրները տեղում ծանոթացել են անվտանգային իրավիճակին, ինչպես նաև քաղաքացիների սոցիալ-տնտեսական խնդիրներին՝ խոստանալով դրանք ներկայացնել Գագիկ Ծառուկյանին և առաջիկայում հանդես գալ օրենսդրական նախաձեռնություններով: Սյունեցու անվտանգությունը երաշխավորված չէ, ամփոփելով այցն՝ արձանագրել են պատգամավորները:

Էջ 1, 2-ից

Կոնտակտներ

Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)

Լրահավաք հեռախոս.
+374 10 39 10 39

Էլ.փոստ.
info@kentron.tv

Արխիվ

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Մենք Facebook-ում

© Kentron TV - Բոլոր իրավունքները պաշտպանված են։
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց www.kentron.tv հղման։