«Էպիկենտրոն»-ն ահազանգ է ստացել Արագածոտնի մարզի Արագած գյուղի բնակիչներից: Նրանք բողոքում են, որ համայնքի հարակից տարածքում շահագործվող ՀԷԿ-երի պատճառով ոռոգման ջուրը թունավոր է դարձել: Գյուղացիների խոսքով՝ գունափոխված ու պղտորված ջուրն այլևս պիտանի չէ ո՛չ կենդանական, ո՛չ բուսական աշխարհի համար: Բնակիչները մեր նկարահանող խմբին ցույց են տվել ջրի պատճառով չորացած բերքն ու բուսականությունը:
Շիրակի մարզի Հայկավան գյուղում գտել են ցանքատարածությունները կարկուտից պաշտպանելու լավագույն միջոցը: Նոր տեխնոլոգիաներով ու հակակարկտային ցանցերով ազնվամորի են աճեցնում՝ նվազագույն ծախսերով ստանալով առավելագույն բերք: Շիրակի մարզի ազնվամորին շուկայում հայտնի է ու արդեն մեծ պահանջարկ ունի:
Վարչապետը Խնձորեսկում մասնակցել է Սպարապետի օրվան նվիրված միջոցառումներին: Նիկոլ Փաշինյանին ուղեկցել են Դավիթ Տոնոյանը, Սուրեն Պապիկյանն ու Սյունիքի մարզպետ Հունան Պողոսյանը: Նրանք հարգանքի տուրք են մատուցել Մխիթար Սպարապետի հիշատակին, նրա շիրիմին ծաղիկներ խոնարհել: Այնուհետև երկրի ղեկավարն այցելել է Հայրենական Մեծ պատերազմում և Արցախյան ազատամարտում զոհված հերոսների հիշատակն հավերժացնող հուշահամալիր, որտեղ անսպասելի հանդիպում է ունեցել Ադրբեջանում գերեվարված Նարեկ Սարդարյանի կնոջ հետ: Այցի շրջանակում Փաշինյանը ծանոթացել է նաև Հին Գորիսի վերականգնման աշխատանքներին:
Հայաստանում մինչև հունվարի 11–ը կարանտին է: Առողջապահության նախարարի հրամանով՝ հաստատվել են անհատական պաշտպանության միջոցների ցանկը, կիրառման դեպքերն ու կարգը, սանիտարահամաճարակային անվտանգության կանոնները: Ե՞րբ և որտե՞ղ պետք է պարտադիր դիմակ կրել, ի՞նչ սահմանափակումներ են գործելու, և գիտե՞ն արդյոք մեր համաքաղաքացիները նոր կանոնների մասին:
Նախկինում դեպի մեր երկիր կանոնավոր չվերթներ իրականացնելու համար թույլտվություն ստացած բոլոր ավիաընկերությունները սեպտեմբերի 12-ից կարող են կրկին սկսել թռիչքները: Կհանվեն Հայաստանի ընդունած սահմանափակումները, կվերականգնվեն ավիաընկերություններին տրված բոլոր թույլտվությունները: Հայաստանից մեկնող ուղևորների` այլ երկիր մուտք գործելու պայմանները և սահմանափակումները կանոնակարգվում են համաձայն տվյալ երկրի սահմանած կարգերի:
Այսօր լրանում է Բեյրութի նավահանգստում հզոր պայթյունների 40-րդ օրը: Սուրբ Սարգիս առաջնորդանիստ եկեղեցում հոգեհանգստի պատարագ է մատուցվել՝ ի հիշատակ պայթյունից զոհվածների: Բեյրութից ժամանած լրագրող Սևակ Հակոբյանը «Էպիկենտրոն»-ին ասել է, որ չնայած հոգեբանական ծանր վիճակին, լիբանանահայերը փորձում են հավաքել ուժերը ու նորից ապրել: Իսկ անօթևան մնացած մեր հայրենակիցների կացության հարցը դեռ չի լուծվել:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv