Items filtered by date: Չորեքշաբթի, 10 Հունիսի 2020
Չորեքշաբթի, 10 Հունիսի 2020 22:30

Էպիկենտրոն 10.06.2020

 

 

Published in Էպիկենտրոն
Չորեքշաբթի, 10 Հունիսի 2020 20:15

Անցուդարձ 10.06.2020

Published in Անցուդարձ

ԱԺ «Բարգավաճ Հայաստան» խմբակցությունը դիմել է պարետ Տիգրան Ավինյանին՝ ներկայացնելով կորոնավիրուսի համավարակի դեմ պայքարի վերաբերյալ հարցադրումներ:

Տեսչական մարմիններն այսօր կասեցրել են մի շարք օբյեկտների գործունեությունը: Դրանց թվում եղել է նաև Երևանում գործող «Տաշիր» առևտրի կենտրոնը, որտեղ լիարժեք չեն պահպանվել պարետատան սահմանած կանոնները: Ամենահաճախ հանդիպող խախտումներն են դիմակի ոչ ճիշտ կրելը, հանրային սննդի օբյեկտներում այցելուների սոցիալական հեռավորությունը չպահպանելը, իրացման ցանցերում ջերմաչափման ու ախտահանման գրանցամատյանների լրացման թերությունները:

Հայաստանում արձանագրվել է Կավասակիի սինդրոմի երկրորդ դեպքը: Պացիենտը 9 տարեկան է, կորոնավիրուսի վարակակիր: Երեխայի վիճակն արդեն կայուն է: Առողջապահության նախարարության մանկաբուժության գծով խորհրդատու Սերգեյ Սարգսյանը պարզաբանել է, թե ինչպես է հիվանդացել 9-ամյա երեխան, երբ նախարարի խոսքով՝ այդ հիվանդությունը հանդիպում է մինչև 5 տարեկանների մոտ: Սարգսյանն ասել է, որ մոտ 10 հոգու հաշվարկով դեղորայք է ձեռք բերվել: Իսկ երկրում ըստ նրա՝ 1000-ից ավելի կորոնավիրուսով վարակված երեխա կա:

Միքայել Մելքումյանը կորոնավիրուսից տուժած ոլորտներին հարկային արձակուրդ տալու վերաբերյալ նախագիծ է ներկայացրել: Պատգամավորը խորհրդարանում իր առաջարկը հիմնավորել է նրանով, որ այս ոլորտների բիզնեսները զգալի տուժել են, բայց դրանց ընդամենը տասը տոկոսն է սոցիալական աջակցություն ստացել: Տնտեսական հարցերի հանձնաժողովի նիստում քննարկվել են արտակագ դրության հետևանքով բերված ևս մի քանի նախագծեր: Դրանց թվում է Մելքումյանի ներկայացրած օրավարձով աշխատողներին ստվերից հանելու մասին օրինագիծը:

ԱԺ-ն շարունակում է քննարկել 2019 թ. բյուջեի կատարողականը: Հերթական անգամ պատգամավորները լսել են Տարածքային կառավարման և ենթակառուցվածքների նախարար Սուրեն Պապիկյանին և Էկոնոմիկայի նախարար Տիգրան Խաչատրյանին: «Անկախ կորոնավիրուսից՝ ճանապարհաշինական աշխատանքները շարունակվելու են»,- վստահեցրել է Պապիկյանը: Նախարար Խաչատրյանն էլ անդրադարձել է տնտեսության ամենախոցելի ոլորտին՝ գյուղատնտեսությանը: Պատգամավորները քննարկման առարկա են դարձրել նաև պարենային անվտանգության հարցը:

Պարետի որոշումը խախտելու՝ դիմակ չկրելու պատճառով Երևանի ընդհանուր իրավասության դատարանի Շենգավիթի նստավայրի բակից ոստիկանները բերման են ենթարկել «Սասնա ծռեր» խմբի անդամ Պավել Մանուկյանին: Արձանագրություն կազմելուց հետո Մանուկյանին բաց են թողել, սակայն նա ոստիկաններին ասել է,որ չի պատրաստվում դիմակ կրել:«Ամբաստանյալի բացակայության պայմաններում դատական նիստը չի կարող շարունակվել»,- հայտարարել է դատավոր Մեսրոպ Մակյանը և հետաձգել գործի քննությունը:

Երեկ մի խումբ անձինք Իրանում Հայաստանի դեսպանության շենքի դիմաց բողոքի ակցիա են արել ընդդեմ Իսրայելում Հայաստանի դեսպանատան բացման: Ցուցարարները պաշտոնական Երևանից պահանջել են վերանայել այդ որոշումը և ի նշան բողոքի՝ այրել են Իսրայելի դրոշը: Արևելագետ Արմեն Պետրոսյանի կարծիքով՝ Իրանից Հայաստանին հղվող նման ուղերձները հարիր չեն երկու երկրների պատմական բարեկամությանը. պարզաբանումներ կարելի է ստանալ դիվանագիտական խողովակներով: Իրանագետ Վարդան Ոսկանյանի դիտարկմամբ, բողոքի ակցիան ենթադրում է, որ Հայաստան-Իրան հարաբերություններում առաջացել է խնդիր և այն պետք է արագ կարգավորել:

Էջ 1, 2-ից

Կոնտակտներ

Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)

Լրահավաք հեռախոս.
+374 10 39 10 39

Էլ.փոստ.
info@kentron.tv

Արխիվ

« June 2020 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Մենք Facebook-ում

© Kentron TV - Բոլոր իրավունքները պաշտպանված են։
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց www.kentron.tv հղման։