Items filtered by date: Երկուշաբթի, 09 Սեպտեմբերի 2019
Երկուշաբթի, 09 Սեպտեմբերի 2019 22:00

Էպիկենտրոն 09.09.2019

 

 

Published in Էպիկենտրոն

Հայաստանի պետական օրհներգի հնչյունների ներքո առավոտյան մեկնարկել է Ազգային ժողովի աշնանային նստաշրջանը: Օրակարգը գերհագեցած է՝ մոտ 5 տասնյակից ավելի հարց: Սովորականի պես քննարկումներն ուղեկցվել են տարակարծություններով: Այսօր օրենսդիրները հիմնականում քննարկել են «Բարգավաճ Հայաստան»-ի ներկայացրած նախագծերը՝ գյուղատնտեսության, հարկային և այլ ոլորտների վերաբերյալ: Բուռն են անցել հատկապես օրակարգի հաստատմանը նախորդած քննարկումները:

Ռոբերտ Քոչարյանի դիմումի հիման վրա Սահմանադրական Դատարանի որոշումը տարընթերցումների առիթ է դարձել: Գլխավոր դատախազությունն իր այսօրվա պարզաբանման մեջ նշել է, որ Քոչարյանին առաջադրված մեղադրանքը չի առնչվում նրա գործառութային անձեռնմխելիությանը, և 2-րդ նախագահին ազատելու հիմքեր չկան: ՍԴ որոշման վերաբերյալ լրագրողներն այսօր մեկնաբանություն են ստացել նաև «Իմ քայլը» խմբակցության ղեկավար Լիլիթ Մակունցից: Այս, նաև խորհրդարանի միջանցքներում քննարկված մյուս կարևոր թեմաները՝ առաջարկվող տեսանյութում:

«Հայաստանի մշակութային հիմնադրամ»-ի նախագահ Մանուկ Նիգոյանը բացօթյա ասուլիսում մեղադրանքներ է հնչեցրել Կրթության, գիտության, մշակույթի և սպորտի նախարարության բարձրաստիճան պաշտոնյաների հասցեին: Ըստ Մանուկ Նիգոյանի՝ նախարարությունը դրամաշնորհ է տրամադրել նույն նախարարության աշխատակիցներից մեկի հասարակական կազմակերպությանը՝ միջոցառում կազմակերպելու համար, ինչն օրենքի խախտում է: Նիգոյանը ոստիկանությանը կոչ է արել իր հայտարարություններն ընդունել որպես հաղորդում հանցագործության մասին:

Արցախում երեկ տեղի են ունեցել ՏԻՄ ընտրություններ: 228 համայնքում և մայրաքաղաք Ստեփանակերտում 67326 ընտրող իր վստահության քվեն տվել է 415 թեկնածուի: Ընտրությունները դիտարկելու համար աննախադեպ թվով՝ ավելի քան 400 դիտորդ էր հավատարմագրվել՝ հայաստանյան 4, տեղական 6 դիտորդական կազմակերպություն, 16 լրատվամիջոց՝ 50 լրագրողով: Ինչպե՞ս են անցել ընտրություններն, ու ի՞նչ արդյունքներ կան՝ տեսանյութում:

Առողջապահության նախարարությունն այսօրվանից տալիս է շատ կարևոր մի ծրագրի մեկնարկ: Անպտղություն ունեցող զույգերը կարող են պետության հաշվին հետազոտվել, բուժվել ու օգտվել արհեստական բեղմնավորումից: Ծրագիրը կիրականացվի հանրապետության հինգ բժշկական կենտրոններում: Շահառու դառնալու առաջին նախապայմանը երկու և ավելի տարի անպտղություն ունենալն է: Մանրամասները՝ տեսանյութում:

«Առնվազն այս պահի դրությամբ մենք չունենք Ամուլսարի հանքի շահագործումն արգելելու որևէ իրավական հիմնավորում: Բայց հասկանալի է նաև, որ մենք չենք կարող հաշվի չառնել մեր հանրության շրջանում առկա անհանգստությունները»,- ֆեյսբուքի ուղիղ եթերում հայտարարել է վարչապետը: Ըստ Նիկոլ Փաշինյանի՝ հանրությունն ունի իր մտահոգությունները հիմնավորող փաստեր, և կառավարությունում չեն կարող ասել, թե այդ ամենն իրենց չի հետաքրքրում:«Մենք չենք կարող հաշվի չնստել Հայաստանի տնտեսական հանրության անհանգստության հետ»,-ասել է վարչապետը: Նա նաև ջերմուկցիներին խնդրել է ապաշրջափակել Ամուլսար տանող ճանապարհները:

 

«Բարգավաճ Հայաստան» կուսակցության նախագահ Գագիկ Ծառուկյանը խորհրդարանում ճեպազրույց է ունեցել լրագրողների հետ, որի ընթացքում անդրադարձել է հանրային հնչեղություն ունեցող հարցերի: Հիմնական թեման եղել է Ամուլսարի հանքի հետ կապված իրավիճակը: Գագիկ Ծառուկյանը վերահաստատել է ԲՀԿ-ի տեսակետը. հանքի շահագործման համար պետք է հաշվի առնել ժողովրդի կարծիքը: Ծառուկյանն անդրադարձել է նաև տնտեսական հեղափոխության ընթացքին, ներդրումներին, պատասխանել ուշագրավ այլ հարցերի:

«Բարգավաճ Հայաստան» կուսակցության նախագահ Գագիկ Ծառուկյանը խորհրդարանում ճեպազրույց է ունեցել լրագրողների հետ, որի ընթացքում անդրադարձել է հանրային հնչեղություն ունեցող հարցերի: Հիմնական թեման եղել է Ամուլսարի հանքի հետ կապված իրավիճակը: Գագիկ Ծառուկյանը վերահաստատել է ԲՀԿ-ի տեսակետը. հանքի շահագործման համար պետք է հաշվի առնել ժողովրդի կարծիքը: Ծառուկյանն անդրադարձել է նաև տնտեսական հեղափոխության ընթացքին, ներդրումներին, պատասխանել ուշագրավ այլ հարցերի:

Էջ 1, 2-ից

Կոնտակտներ

Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)

Լրահավաք հեռախոս.
+374 10 39 10 39

Էլ.փոստ.
info@kentron.tv

Արխիվ

« September 2019 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Մենք Facebook-ում

© Kentron TV - Բոլոր իրավունքները պաշտպանված են։
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց www.kentron.tv հղման։