ՆԱՏՕ-ի գագաթնաժողովի շրջանակում ՀՀ վարչապետ Նիկոլ Փաշինյանը հարցազրույց է տվել ամերկյան Թայմ պարբերականին՝ պատմելով 2018 թ. գարնանը սկսած շարժման ու դրա հաղթանակի մասին: Իսկ Եվրանյուզին տված հարցազրույցում նա նշել է, որ Ղարաբաղյան հակամարտությունը պետք է կարգավորվի միայն խաղաղ ճանապարհով:

Վերջին երկու ամսում հստակ վարքագծի փոփոխություն կա, պետական եկամուտների կոմիտեն նոր մշակույթ կերտելու ճանապարհին է,- հայտարարել է ՊԵԿ նախագահ Դավիթ Անանյանը: Կառույցն իրականացնում է թիրախային ստուգումներ, համալիր ստուգումները կրճատվել են: 2018 թվականի առաջին կիսամյակում պետական եկամուտների կոմիտեն հավաքագրել է 649.7 միլիարդ դրամ հարկային եկամուտ, ինչը նախորդ տարվա նույն ժամանակահատվածի համեմատ աճել է 15.6 տոկոսով:

Խորհրդարանում շարունակվել են Ընտրական օրենսգրքի շուրջ քննարկումները: Առաջին անգամ նիստին ներկա է եղել փոփխվարչապետ Արարատ Միրզոյանը: Նա կարեւորել է խորհրդարանական խմբի ու կառավարական հանձնաժողովի համատեղ աշխատանքը՝ ընդգծելով, որ իդեալական կլինի, եթե մեծ օրակարգ ուղարկեն մեկ նախագիծ: Այսօրվա քննարկումների առանցքում եղել է կոլալիցիա կազմող ուժերի թիվը:

Բարգավաճ Հայաստան կուսակցության նախագահ Գագիկ Ծառուկյանը հանդիպում է ունեցել Հայաստանում Չինաստանի արտակարգ եւ լիազոր դեսպան Թիան Էրլունի հետ: Գագիկ Ծառուկյանը դեսպանի հետ զրույցում ցանկություն է հայտնել, որ չինական հզոր ընկերությունները մասնաճյուղեր բացեն Հայաստանում և իր պատրաստակամությունն է հայտնել անձնապես լինել Հայաստանում չինական ներդրումների երաշխավորը: Դեսպան Էրլունը բարձր է գնահատել Գագիկ Ծառուկյանի գործադրած ջանքերը և նրա անձնական մեծ ներդրումը Չինաստանի կոմունիստական կուսակցության և ԲՀԿ-ի միջկուսակցական կապերի ամրապնդման և երկու երկրների գործարարների շփումների ապահովման գործում:

Բարգավաճ Հայաստան կուսակցության նախագահ Գագիկ Ծառուկյանը հանդիպում է ունեցել Հայաստանում Չինաստանի արտակարգ եւ լիազոր դեսպան Թիան Էրլունի հետ: Գագիկ Ծառուկյանը դեսպանի հետ զրույցում ցանկություն է հայտնել, որ չինական հզոր ընկերությունները մասնաճյուղեր բացեն Հայաստանում և իր պատրաստակամությունն է հայտնել անձնապես լինել Հայաստանում չինական ներդրումների երաշխավորը: Դեսպան Էրլունը բարձր է գնահատել Գագիկ Ծառուկյանի գործադրած ջանքերը և նրա անձնական մեծ ներդրումը Չինաստանի կոմունիստական կուսակցության և ԲՀԿ-ի միջկուսակցական կապերի ամրապնդման և երկու երկրների գործարարների շփումների ապահովման գործում: