Վարչապետ Նիկոլ Փաշինյանը ոստիկանության ղեկավար կազմին և կոլեգիայի անդամներն է ներկայացրել ոստիկանության նորանշանակ պետ Վալերի Օսիպյանին՝ հայտարարելով. «Կարծում եմ, բոլորս լավ հասկանում ենք, որ Հայաստանի բազմաթիվ քաղաքացիներ ոստիկանությանը շարունակելու են ընկալել որպես մի սուբյեկտ, որը կանգնած է փշալարերի այն կողմում: Մեր և ձեր ամենակարևոր խնդիրն է քաղաքացիներին շատ արագ ի ցույց դնել, որ ստիկանության և ժողովրդի միջև փշալարեր, վահաններ, հատուկ միջոցներ չկան և ոստիկանությունը ծառայում է Հայաստանի Հանրապետությանն ու նրա ժողովրդին»:
Նորընտիր վարչապետ գլխավորությամբ տեղի է ունեցել կառավարության առաջին նիստը, որն ամբողջությամբ հեռարձակվել է ուղիղ եթերում: Գործադիրի ղեկավարը հանձնարարել է մեկամսյա ժամկետում ներկայացնել առաջարկություն երրորդ նախագահ Սերժ Սարգսյանին բնակարանով ապահովելու վերաբերյալ: Արդարադատության նախարարի պաշտոնակատար Դավիթ Հարությունյանը նշել է, որ Սերժ Սարգսյանը վերջին պաշտոնաթող նախագահն է, որն օգտվում է այդ իրավունքից: Մենք պաշտոնաթող նախագահների համար այդպիսի երաշխիքներ այլևս չենք նախատեսել,- ասել է Դավիթ Հարությունյանը:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv