Երկու օրից մեկնարկում է Ազգային Ժողովի արտահերթ ընտրության նախընտրական քարոզարշավը: Հայաստանի նոր խորհրդարանում հայտնվելու և քաղաքական կյանքում իրենց կայուն ներկայությունն ունենալու համար հայտ է ներկայացրել 11 քաղաքական ուժ: Ինչպիսի՞ քարոզարշավ է սպասվում և որ ուժերն են հավակնում ընդգրկվել Ազգային ժողովում: Քաղաքագետների կանխատեսումները լսել է Իզաբելլա Հովհաննիսյանը:
2018 թվականին Հայաստանը մրցակցության ոլորտում իր դիրքերը բարելավել է 9 կետով: Աշխարհի 140 երկրների շարքում զբաղեցնում ենք 19-րդ հորիզոնականը՝ նախորդ տարվա 28-ի փոխարեն,- տեղեկացրել է Հայաստանի տնտեսական մրցակցության պաշտպանության պետական հանձնաժողովի նախագահ Արտակ Շաբոյանը: Մեր երկիրն առաջատարն է ԵԱՏՄ անդամ երկրներում: Հանձնաժողովի նախագահն ամփոփել է մրցակցային մարմնի այս տարվա գործունեությունը, ներկայացրել ձեռքբերումները:
Նոյեմբերի 25-ին ժամը 19-ին Կարեն Դեմիրճյանի անվան մարզահամերգային համալիրում կկայանա աշխարհահռչակ գեղասահորդ Եվգենի Պլյուշչենկոյի «Սառույցի արքաները» շոուի նոր ծրագրի համաշխարհային պրեմիերան, որի մի մասը կկազմի նաև «Ախթամար» լեգենդի յուրօրինակ ներկայացում- մյուզիքլը սառույցի վրա: Սառցե պրեմիերայի ընթացքում հանդես կգան գեղասահքի համաշխարհային աստղեր, օլիմպիական խաղերի, աշխարհի և Եվրոպայի չեմպիոններ, նաև միջազգային մրցույթների դափնեկիրներ:
Մեկնարկել է վարչապետի պաշտոնակատարի համաերևանյան քայլերթը, որին միացել են կառավարության որոշ անդամներ եւ պաշտոնյաներ: Նիկոլ Փաշինյանը երթը սկսել է Նոր Նորքի վեցերորդ զանգվածից եւ մտադիր է քայլել բոլոր վարչական շրջաններով՝ մինչեւ երեկո: Փաշինյանն ասել է, որ այս քայլերթը Հայաստանի եւ Արցախի ժողովրդի հետագա հաղթանակների համար է, կոչ է արել լինել ուժեղ եւ իշխանությունը չտալ ուրիշին:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv