Պառլամենտական մեծամասնությունը լինելու է Ծառուկյանի շուրջ ձևավորված դաշինքը. Արամ Հարությունյան
Հայաստանի նոր ձևավորվելիք խորհրդարանում պառլամենտական մեծամասնությունը լինելու է Ծառուկյանի շուրջ ձևավորված դաշինքը, - այսօր հայտարարել է Ազգային Համաձայնություն կուսակցության նախագահ Արամ Հարությունյանը: Նա անդրադարձել է ներքաղաքական վերջին իրադարձություններին և ասել, որ նախկին վարչապետ Հովիկ Աբրահամյանի՝ Հանրապետական կուսակցությունից դուրս գալը նշանակում է, որ իշխանական բուրգը փլվում է:
Արևային էլէկտրաէներգիայի ոլորտում ներդրողների համաժողովի մասնակիցներին ողջունել է Սերժ Սարգսյանը
Արևի ու ջերմության թեման կազմում է ոչ միայն արդեն մեկ ամիս արևի երես չտեսնող երևանցիների խոսակցության մասը, այլև «Էներգետիկայի շաբաթ 2017» միջոցառումների առանցքային թեման է: Հայաստանի վերականգնվող էներգետիկայի և էներգախնայողության հիմնադրամի ու «Էքսպոմեդիա» ցուցահանդեսների նախագծման կենտրոնի կազմակերպած միջոցառումների մեջ կենտրոնական դեր ունի արևային էլէկտրաէներգիայի ոլորտում ներդրողների համաժողովը: Միջոցառման մասնակիցներին ողջունել է նախագահ Սերժ Սարգսյանը, այնուհետև շրջել եռօրյա ցուցահանդեսի տաղավարներում:
''Մասունք'' համույթի հոբելյանական համերգի աջակիցը ՙԳագիկ Ծառուկյան՚ բարեգործական հիմնադրամն է
Հակոբ Պարոնյանի անվան երաժշտական կոմեդիայի պետական թատրոնում տեղի է ունեցել Մասունք ազգագրական երգի-պարի համույթի հիմնադրման 30 և վերականգնման 5 ամյակին նվիրված համերգ: Ազգագրական երգի-պարի համույթին նվիրված հոբելյանական համերգի աջակիցը Գագիկ Ծառուկյան բարեգործական հիմնադրամն է: Կարևոր համարելով ազգային երգի-պարի պահպանումն ու սերունդներին փոխանցումը Գագիկ Ծառուկյան բարեգործական հիմնադրամը շարունակական աջակցություն է ցուցաբերում ֆինանսավորելով բազմաթիվ միջոցառումներ: Միջոցառմանը ներկա էին նաև ՀՀ մշակույթի նախարարը, Ռոզա Ծառուկյանը և ազգային երգի ու պարի պահպանման գործում մեծ ներդրում ունեցող մարդիկ:
Ալիևի հերթական ռազմաշունչ հայտարարությունը
Ադրբեջանի նախագահ Իլհամ Ալիեւը հանդես է եկել հերթական ապակառուցողական հայտարարությամբ: Նա ասել է՝ Ադրբեջանը թույլ չի տա իր տարածքում ստեղծել հայկական երկրորդ պետություն։ Լեռնային Ղարաբաղին երբեք չի շնորհվի անկախություն։ Պետք չէ սպասել դրան: Հակառակորդ պետության առաջանորդի հայտարարությունը մեկնաբանել են Հայաստանի փոխարտգործնախարար Շավարշ Քոչարյանը, Արցախի նախագահի մամուլի քարտուղար Դավիթ Բաբայանը եւ Ռազմինֆո մասնագիտացված կայքի վերլուծաբան Տարոն Հովհաննիսյանը: Նրանք ընդգծել են՝ Իլհամ Ալեւն առաջին անգամ չէ անում հայտարարություն, որը հակասում է բանակցային գործընթացին: Ներկայացնում է Արամ Արարատյանը:
Կոնտակտներ
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv