«Սանիթեք»-ի և Երևանի քաղաքապետարանի վեճը նոր հնչեղություն է ստանում: Նախօրեին ընկերությունը տեղեկացրել էր, որ դիմել է արբիտրաժային դատարան ընդդեմ Հայաստանի Հանրապետության: Քաղաքապետարանի համար ընկերության այս քայլը կանխատեսելի է եղել: Մինչև դատարանի որոշումը, կողմերը փոխադարձ մեղադրանքներ են հնչեցնում: «Սանիթեք»-ի ներկայացուցիչ Սարգիս Գրիգորյանի խոսքով՝ քաղաքային իշխանությունը և կառավարությունը չեն կարողացել պաշտպանել օտարերկրյա ներդրողների իրավունքները և դրսևորել են խտրական վերաբերմունք: