Վարչապետի հրաժարականի պահանջով այսօր ևս բողոքի ակցիաներ են իրականացվել մայրաքաղաքի տարբեր հատվածներում: Մասնակիցները նախ եղել են ոստիկանության կենտրոնական շենքի մոտ՝ հորդորելով ոստիկաններին դադարեցնել բողոքող քաղաքացիների հանդեպ անհամաչափ գործողությունները: Այնուհետև Փաշինյանի հրաժարականը պահանջող քաղաքացիները երթով շարժվել են դեպի Սորոսի գրասենյակ, որտեղ ակցիա են իրականացրել:

Մեր տեսանյութն արցախյան պատերազմում հերոսի մահով ընկած Դավիթ Արզումանյանի մասին է: Վաշտի հրամանատար, մայոր Արզումանյանը կյանքի 18 տարիներն անցկացրել է զինվորական համազգեստով՝ շարքում: Մեկ տասնյակից ավելի անգամ միայն խաղաղապահ առաքելութուն է իրականացել Կոսովոյում, Աֆղանստանում, Լիբիայում: Արցախյան պատերազմի մեկնարկից մի քանի օր առաջ էր վերադարձել Աֆղանստանից: Պատերազմը սկսելուն պես Օմարում մարտական առաջադրանք էր ստացել: Այն կատարելու ժամանակ էլ անմահացել է:

Ռուսաստանի ԱԳ նախարարը Իրանի պետական հեռուստաընկերությանն ու ռադիոյին տված հարցազրույցում խոսել է Ղարաբաղի մասին՝ պարզաբանելով,թե ինչու հակամարտությունը կարգավորելիս ուշադրություն չեն դարձրել Թեհրանի հաշտության ծրագրին: Անկարայում էլ Իրանի դեսպանին փոխանցել են,որ Թեհրանի մեղադրանքները հարիր չեն թուրք-իրանական հարաբերությունների մակարդակին: Իսկ ահա Ադրբեջանի նախագահը Բաքվում ընդունել է ԵԱՀԿ Մինսկի ֆրանսիացի և ամերիկացի համանախագահներին: Տարածաշրջանային և միջազգային լուրերը՝ Ֆրիդա Ղազարյանի տեսաշարում:

Արցախում տեղեկայված ռուսական դիտակետերը համալրվել են պաշտպանության ու մշտական դիտարկման համար անհրաժեշտ ենթակառուցվածքներով,- հայտնում է Ռուսաստանի ՊՆ-ն:Համալրվել է նաև բնակության, սննդի պատրաստման ու ընդունման հատվածը: Միևնույն ժամանակ Արցախի բնակիչները շարունակում են վերադառնալ իրենց բնակավայրեր: Վերականգնվում են կենսական նշանակության ենթակառուցվածքները, մի շարք բնակավայրերում էլ վերսկսվել է ուսումնական գործընթացը: Ամբողջ գործընթացն իրականացվել է ռուս խաղաղապահների վերահսկողությամբ ու մասնակցությամբ:

Գյումրիում այսօր ևս շարունակվել են Նիկոլ Փաշինյանի հրաժարականի պահանջով անհնազանդության գործողությունները: Քաղաքացիները փակել են Գյումրի-Բավրա ավտոճանապարհը: Երթևեկությունը որոշ ժամանակով պարալիզացվել է: Ակցիայի մասնակիցները հայտարարել են, որ բողոքի գործողությունները շարունակելու են այնքան, մինչև Նիկոլ Փաշինյանը հեռանա:

Հուշաքարը տեղադրվել է ուղղաթիռի ընկնելու վայրում: Նախաձեռնությունը միջազգային մարդասիրական «Խաղաղություն» հիմնադրամինն է: Հուշաքարի բացման արարողությանը մասնակցել և զոհված օդաչուների հիշատակին հարգանքի տուրք են մատուցել խորհրդարանի ընդդիմադիր ուժերի ներկայացուցիչները, նաև արտախորհրդարանական ուժերի անդամներ: ԲՀԿ խմբակցության պատգամավորները կուսակցության անունից ծաղկեպսակ են դրել հուշատախտակի մոտ: