Ուռճացված ծախսեր են բացահայտվում Սփյուռքի նախարարությունում: Հին իշխանության օրորք տաքսի ծառայության մեկ կիլոմետրն արժեցել է 1300 դրամ, իսկ Արի տուն ծրագրի երեխաների 2 անգամյա սնունդը՝ 8000 դրամ: Գործին խառնվելու է պետական վերահսկողության ծառայությունը:

Խորհրդարանական անցուդարձի կարևոր դրվագները : Խոշորացույցի տակ եղել են առողջապահության համակարգի ամենակնճռոտ խնդիրները: ՙՀիմա փաստացի ցանկացած ընկերություն կարող է բերել ցանկացած դեղ և դա պետք է հանգեցնի գների նվազման,- հայտարարել է առողջապահության նախարար Արսեն Թորոսյանը՝ արձագանքելով քիմիոթերապիայի դեղերի վերաբերյալ պատգամավոր Նաիրա Զոհրանբյանի հարցին: Նախարարը խոսել է առողջապահության համակարգի աշխատակիցների աշխատավարձի բարձրացման, ինչպես նաև կոռուպցիայի հետ ասոցացվող պաշտոնատար անձանց մասին:

Ստեփանակերտի հանրահավաքի համակարգող կոմիտեն հայտարարել է, որ դադարեցնում է բողոքի գործողությունները: Ակցիաներին հաջորդել է դիմում բողոքների հեղեղը: Հանդիպման վայրն էլ փոխվել է: Որպես փոխզիջում՝ Ազատամարտիկների փողոցը բացվել է: Փոխարենը Ստեփանակերտի մշակույթի և երիտասարդության պալատում ցույցերի համակարգող կոմիտեին գրասենյակ է հատկացվել՝ քաղաքացիների բողոքները ընդունելու, ըստ պահանջի հասցնելու համար: