Կառավարությունը 50.000 դրամով ավելացնում է հայրենական մեծ պատերազմի վետերաններին տրվող պատվովճարի չափը: Առաջարկը միաձայն հաստատվել է: Կառավարության հավանությանն է արժանացել Հայաստանի և Սինգապուրի կառավարությունների միջև եկամուտների կրկնակի հարկումը բացառելու և հարկերի վճարումից խուսափելը կանխելու մասին համաձայնագրի ստորագրման առաջարկությունը: Ֆինանսների նախարար Ատոմ Ջանջուղազյանը նշել է,որ նման համաձայնագրերի նպատակն է նպաստել առևտրատնտեսական հարաբերությունների զարգացմանը: Կառավարության նիստին զուգահեռ բողոքի ակցիա են անցկացրել Ռոբերտ Քոչարյանի աջակիցները: